Дорноговь аймаг дахь Төрийн аудитын газраас “Орон нутгийн хөгжлийн сангийн бүрдүүлэлт, зарцуулалт, үр нөлөө, үр дүн” сэдэвт гүйцэтгэлийн аудитын нээлтийг 2022 оны 05 дугаар сарын 04-ний өдөр зохион байгуулсан ба нээлтэд аймгийн Засаг даргын Тамгын газрын Санхүү, төрийн сангийн хэлтэс, аймгийн Орон нутгийн өмчийн газар, аймгийн Газрын харилцаа, барилга хот байгуулалтын газрын удирдлага болон холбогдох мэргэжилтнүүдийг оролцуулан, аудитын төлөвлөгөө, хөтөлбөрийг танилцуулж, мэдээлэл солилцлоо.
Тус аудитыг УИХ-ын Төсвийн байнгын хорооны 2021 оны 06 дугаар тогтоол, Монгол Улсын Ерөнхий аудиторын 2022 оны А/12 дугаар тушаалаар батлагдсан төлөвлөгөөнд үндэслэн Үндэсний аудитын газрын нэгдсэн удирдамжаар гүйцэтгэж байна.
Тус аудитад аймаг, сумдын 2021 оныг хамруулан дараах чиглэлээр гүйцэтгэнэ. Үүнд:
- ОНХС-ийн хөрөнгийг холбогдох хууль журамд заасны дагуу төлөвлөж, бүрдүүлж, хуваарилсан эсэх;
- ОНХС-ийн хөрөнгөөр хэрэгжүүлэх ТАХ-г журмын дагуу үр дүн, үр нөлөөтэй хэрэгжүүлсэн эсэх;
- ОНХС-ийн хөрөнгийн зарцуулалтыг хууль, журмын дагуу хянаж, тайлагнасан эсэх.
Аудиттай холбоотой санал, хүсэлтийг 70522734, 70523020 утсаар болон Дорноговь Төрийн Аудитын Газар фэйсбүүк хаягаар ирүүлнэ үү.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
