Төрийн аудитын тухай хуулийн 6 дугаар зүйлд заасан Төрийн аудитын байгууллагын бүрэн эрхийн хүрээнд Улсын Их Хурлын Төсвийн байнгын хорооны 2021 оны “Аудитын сэдэв батлах тухай” 06 дугаар тогтоол, Монгол Улсын Ерөнхий аудиторын 2022 оны А/12 дугаар тушаалаар баталсан Төрийн аудитын газрын 2022 онд гүйцэтгэх аудитын төлөвлөгөөний дагуу “Төрийн болон орон нутгийн өмчит, өмчийн оролцоотой хуулийн этгээдийн үйл ажиллагааны үр ашиг” сэдэвт гүйцэтгэлийн аудитаар орон нутгийн өмчийн аж ахуйн нэгжүүдэд хийх гүйцэтгэлийн аудитын нээлтийг 2022 оны 5 дугаар сарын 05-ны өдөр хийж, аудитын төлөвлөгөө, зорилго, хамрах хүрээг танилцуулав.
Аудитын нээлтэд Баян-Өлгий аймаг дахь Төрийн аудитын газраас ахлах аудитор Д.Назгүл, М.Айнур, аудитор Р.Баярмаа, У.Ербол нар оролцож аудитын зорилт, Монгол Улсын Ерөнхий аудиторын орлогчоос өгсөн чиглэл, анхаарах асуудлыг танилцуулж санал солилцов.
Аудитад орон нутгийн өмчийн Цахилгаан шугам сүлжээний газар, “Суат” ХХК-ны үйл ажиллагааг хамруулах юм.
Аудитын нээлтэд шалгагдагч байгууллагуудаас Цахилгаан шугам сүлжээний газар, “Суат” ХХК-ны удирдлага, ерөнхий инженер, ерөнхий нягтлан бодогч, эдийн засагч нар оролцлоо.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
