Монгол Улсын Ерөнхийлөгч У.Хүрэлсүх дэлхийн уур амьсгалын өөрчлөлтийн нөлөөллийг бууруулах, ой, усны нөөцийг хамгаалах, нэмэгдүүлэх, экологийн тэнцвэрт байдлыг хангах зорилгоор “Тэрбум мод” үндэсний хөдөлгөөнийг санаачлан эхлүүлсэн. Энэхүү санаачилгыг дэмжин Үндэсний аудитын газрын хамт олон 2022 оны тавдугаар сарын 13-ны өдөр Сонгинохайрхан дүүргийн 24-р хорооны нутагт байрлах Бумбатын булаг хэмээх газарт 2021 онд тарьсан моддыг сэргээж, мөн шинэ суулгац суулгалаа.
Ерөнхийлөгчийн Эдийн засгийн зөвлөх Б.Даваадалай тус арга хэмжээг нээж хэлсэн үгэндээ “Цөлжилт, байгаль орчны нөхөн сэргээлтэд ихээхэн анхаарал хандуулах шаардлагатай болсон энэ үед үндэсний хэмжээнд мод тарих ажлыг өрнүүлэх болсон нь цагаа олсон онцгой ач холбогдолтой үйл явдал юм. Бид байгаль дэлхийгээ хайрлан хамгаалж, үр хойчдоо эрүүл агаар, эрүүл хөрс, ногоон ирээдүйг өвлүүлэхийн төлөө Ерөнхийлөгчийн санаачилгыг дэмжиж, “Тэрбум мод” тарих үндэсний хөдөлгөөнд нэгдэж, энд ирсэн та бүхэндээ чин сэтгэлийн халуун талархал илэрхийлж, эрүүл энх, ажлын амжилт хүсье” хэмээгээд модыг суулгахаас илүү арчилж, ургуулах нь чухал гэдгийг онцолсон юм.
Үндэсний аудитын газрын хамт олон өнгөрсөн оны намар Бумбатын булаг гэх тус газарт нийт 110 орчим улиас, хайлаасны суулгацыг суулгаж, нөхөн сэргээлт хийсэн юм.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
