НИЙСЛЭЛ ДЭХ ТӨРИЙН АУДИТЫН ГАЗРЫН ХАМТ ОЛОН МОД ТАРИЛАА

Төрийн хяналтын байгууллагын 100 жилийн ойг угтсан бүтээлч ажлын төлөвлөгөөний хүрээнд “Нийслэл дэх Төрийн аудитын газар”-ын хамт олон 2022 оны 05 дугаар сарын 13-ны өдөр өөрсдийн санаачилгаар мөнгөн хуримтлал үүсгэж хайлаас модны 50 ширхэг суулгацыг Үндэсний цэцэрлэгт хүрээлэнд тарьж батламж авлаа. Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөнд тус байгууллагын хамт олон нэгдэж Туул голын ундны усны эх үүсвэрийг хамгаалах, ногоон байгууламжийг нэмэгдүүлж эрүүл, эко орчныг бүрдүүлэх үйлст хувь нэмэр оруулах хүрээнд энэхүү арга хэмжээг зохион байгуулсан юм.