mn

ЗӨВЛӨХИЙН ҮЙЛЧИЛГЭЭ ҮЗҮҮЛЭХ ХҮСЭЛТЭЙ ХУВЬ ХҮН/БАГ/, ХУУЛИЙН ЭТГЭЭДЭД

Шинжээчээр хамтран ажиллах урилга

Үндэсний аудитын газар нь “Улсын төсвөөс эргэн төлөгдөх нөхцөлтэй концессын “барих-шилжүүлэх” төрлөөр хэрэгжүүлж байгаа төсөл арга хэмжээний хэрэгжилт” сэдэвт аудитын  “Оюутолгой-Цагаан суварга чиглэлийн агаарын шугам, дэд станц төсөл”-ийн гүйцэтгэлд шинжээчийн дүгнэлт гаргах ажилд шинжээч сонгон шалгаруулж, зөвлөх үйлчилгээний гэрээ байгуулан ажиллахаар төлөвлөж байгаа тул зөвлөхийн үйлчилгээ үзүүлэх хүсэлтэй хувь хүн/баг/, хуулийн этгээдийг мэдүүлгээ ирүүлэхийг урьж байна.

Энэхүү үйл ажиллагаа нь Монгол Улсын Ерөнхий аудиторын 2020 оны А/82 дугаар тушаалын хавсралтаар батлагдсан “Шинжээч сонгон шалгаруулах, гэрээ байгуулах, дүгнэх, гүйцэтгэсэн ажлын чанарыг хянах журам”-ын хүрээнд хэрэгжих болно.

Шинжээч нь концессын “барих-шилжүүлэх” төрлөөр хэрэгжиж, байнгын ашиглалтад оруулсан эрчим хүчний барилга, байгууламжийн төсөл, арга хэмжээний батлагдсан зураг төсөл, төсөв болон ажлын гүйцэтгэлд дүгнэлт гаргах дараах ажлыг хэрэгжүүлнэ. Үүнд:

  • Цахилгаан дамжуулах агаарын шугам, дэд станц барих төслийн барилга, байгууламжийн ТЭЗҮ, зураг төсөл нь холбогдох хууль тогтоомж, стандарт, норм, дүрэм, стандартын шаардлагыг хангаж, төлөвлөлт, судалгаанд үндэслэсэн эсэхэд дүгнэлт гаргана.
  • Цахилгаан дамжуулах агаарын шугам, дэд станц барих ажлын төсвийг батлагдсан зураг төслийн дагуу холбогдох хууль тогтоомж, стандарт, жишиг, норм, үнэлгээний дагуу үнэн зөв, бодитой зохиож, хянан баталсан эсэхэд дүгнэлт гаргана.
  • Цахилгаан дамжуулах агаарын шугам, дэд станцын барилга, байгууламжийн суурь, бүтэц, угсралтын багц ажлуудыг зураг төсөл, техникийн шаардлагын дагуу хийсэн эсэхэд дүгнэлт гаргана.
  • Цахилгаан дамжуулах агаарын шугам, дэд станц барилга, байгууламжийн угсралтын үе шатны ажлуудад зохиогчийн болон захиалагчийн техникийн хяналтыг зохих ёсоор гүйцэтгэсэн эсэх, өгсөн зааварчилгааг хэрэгжүүлж ажилласан байдлыг нягтлан шалгаж, дүгнэлт гаргана.
  • Цахилгаан дамжуулах агаарын шугам, дэд станц барилга, байгууламжийг ашиглалтад оруулах техникийн болон улсын комиссын дүгнэлт, өгсөн үүрэг даалгаврыг хэрэгжүүлсэн байдалд дүгнэлт гаргана.
  • Цахилгаан дамжуулах агаарын шугам, дэд станц барих ажилд дүгнэлт гаргах явцад орц, материалын тоо хэмжээ, нэр төрөл, чанар, агууламж зэргийн хувьд баталж, хянасан төсөв болон бодит гүйцэтгэлд зөрүү илэрсэн бол тэдгээрийн гүйцэтгэлийн өртөгт үзүүлэх нөлөөллийг тооцож, барилга угсралтын явцад төсөвт гарсан хэмнэлтийг тоо хэмжээ болон үнийн дүнгээр гаргана.
  • Концессын зүйлийн хөрөнгө оруулалтын эх үүсвэрийг гэрээнд заасны дагуу бүрдүүлсэн байдал, эх үүсвэрийг зориулалтын дагуу үр дүнтэй зарцуулсан эсэх, ажлын тоо хэмжээ, үнэ ханшийн өөрчлөлтөөс шалтгаалан санхүүжилтийн хэмжээ өөрчлөгдсөн эсэхэд дүгнэлт гаргана.
  • Цахилгаан дамжуулах агаарын шугам, дэд станц барих ажлын концесс олгогч болон эзэмшигч нарын хооронд байгуулсан концессын гэрээний холбогдох зүйл заалт, зураг төсөл, ТЭЗҮ-д тусгасан техник, технологи, хүчин чадал, үр ашгийн үзүүлэлт хангагдаж байгаа эсэхийг тодорхойлж, ашиглалтын найдвартай ажиллагаа, чанар, аюулгүй байдлын түвшинд үнэлгээ, дүгнэлт өгсөн байна.

Тус зөвлөх үйлчилгээг 2022 оны 06 дугаар сарын 20-ны өдрийг хүртэл хугацаанд гүйцэтгэх ба концессын “барих-шилжүүлэх” төрлөөр хэрэгжсэн цахилгаан дамжуулах агаарын шугам, дэд станцын ажлын зураг төсөл, төсөв холбогдох хууль тогтоомж, дүрэм, журам, норм норматив, стандартаар тавигдах бусад шаардлагуудыг хангасан эсэх, өргөтгөлийн ажлыг зураг төсөл, техникийн шаардлагын дагуу гүйцэтгэсэн эсэх, хөрөнгө оруулалтын эх үүсвэрийн бүрдүүлэлт, зарцуулалтыг хянан үзэж, шинжээчийн дүгнэлт гаргахын зэрэгцээ, шинжээчийн ажлын үр дүнг тусгасан шинжээчийн тайланг бичиж аудитын багт хүлээлгэн өгнө.

Мэдүүлгээ ирүүлж буй зөвлөх шинжээч нь дээрх зөвлөх үйлчилгээг гүйцэтгэхээ илэрхийлсэн албан хүсэлт ирүүлэхээс гадна дараах мэдээллийг ирүүлнэ. Үүнд:

Хуулийн этгээд бол:

-Улсын бүртгэлийн гэрчилгээний хуулбар;

-Татварын өргүй тухай тодорхойлолт/цахимаас татан авсан/;

-Нийгмийн даатгалын шимтгэлийн өргүй тодорхойлолт/цахимаас татан авсан/;

-Шүүхийн төрөлжсөн архивын тодорхойлолт;

-Гүйцэтгэсэн ижил төстэй ажлын мэдээлэл сүүлийн 3 жилээр /2019,2020,2021 он/;

– Ажилтны анкет, боловсрол, мэргэшлийн гэрчилгээний хуулбар;

– Ажилтны нийгмийн даатгалын цахим лавлагаа /сүүлийн 1 жилээр/;

–  Сүүлийн 2 жилийн санхүүгийн тайлан, аудитын дүгнэлтийн хамт /2020, 2021 он/

Хувь хүн/баг бол:

–  Иргэний үнэмлэхийн хуулбар;

–  Анкет /СV/;

– Боловсрол, мэргэшлийн гэрчилгээний хуулбар;

– Гүйцэтгэсэн ижил төстэй зөвлөх үйлчилгээний мэдээлэл /сүүлийн 3 жилээр/;

– Багийн хувьд гишүүдийн хамтран ажиллах гэрээ /нотариатаар баталгаажуулсан/:

Шинжээчид тавигдах шаардлага, ажлын туршлага:

Эрчим хүчний барилга байгууламж, цахилгаан дамжуулах агаарын шугамын ТЭЗҮ, зураг төсөл, төсөв боловсруулах, магадлал хийх, дүгнэлт гаргах эрх бүхий, төсвийн хөрөнгө оруулалтын үр ашиг, эдийн засгийн үр өгөөжийг тооцох, үнэлэх талаар мэргэшсэн техникийн үйлчилгээ үзүүлж чадахуйц ажлын дадлага, туршлагатай мэргэжилтнүүдийг ажиллуулна. Үүнд:

Цахилгааны инженер:

Цахилгаан дамжуулах агаарын шугам, эрчим хүчний барилга байгууламжийн угсралтын ажлын зураг төсөл боловсруулах чиглэлээр 10-аас доошгүй жил ажилласан, ажлын дадлага туршлагатай, мэргэшсэн инженер;

Цахилгаан дамжуулах агаарын шугам, эрчим хүчний барилга байгууламжийн угсралтын чиглэлээр 10-аас доошгүй жил ажилласан ажлын дадлага туршлагатай, мэргэшсэн инженер;

Цахилгаан дамжуулах агаарын шугам, эрчим хүчний барилга байгууламжийн /220кВ-ын дэд станц/-ын барилга угсралтын ажлын төсөв боловсруулах, хянах, магадлал хийх эрхтэй, тэргүүлэх зэрэгтэй төсөвчин.

Релей хамгаалалтын инженер:

Цахилгаан дамжуулах агаарын шугам, эрчим хүчний барилга байгууламжийн релей хамгаалалтын чиглэлээр 10-аас доошгүй жил ажилласан, ажлын дадлага туршлагатай, мэргэшсэн инженер;

Сонирхсон этгээд нь холбогдох мэдээллийг 2022 оны 05 дугаар сарын 23-ны өдрийн 08 цаг 50 минутаас өмнө авч болох бөгөөд мэдүүлгээ 2022 оны 05 дугаар сарын 23-ны өдрийн 09 цаг 10 минутын дотор цахим хаягаар /tsend-ayushn@audit.gov.mn, info@audit.gov.mn/ pdf файл хэлбэрээр ирүүлнэ үү.

Хариуцсан ажилтан: Үндэсний аудитын газрын Санхүү, хөрөнгө оруулалтын хэлтсийн Худалдан авах үйл ажиллагаа хариуцсан шинжээч Н.Цэнд-Аюуш. Гар утас: 88051068

Захиалагчийн хаяг: 15160 Улаанбаатар хот, Чингэлтэй дүүрэг, Бага тойруу-3, Засгийн газрын IV байр, 409 тоот өрөө. Үндэсний Аудитын газар, Утас: 51-26 35 33. www.audit.mn.

Аудитын тайлан

Их уншсан