Аймгийн ЗДТГ болон Сүмбэр сумын ЗДТГ-аас “Тогтвортой амьжиргаа-3” төсөлтэй хамтран “Орон нутгийн хөгжлийн сангийн үйл ажиллагаа”-ны талаар сургалт, хэлэлцүүлгийг 2022.05.16-нд зохион байгуулсан ба сургалт хэлэлцүүлэгт аймгийн СТСХ, Сүмбэр сумын Засаг дарга, Санхүүгийн албаны дарга, ОНХС хариуцсан мэргэжилтэн, нягтлан бодогч нар хамрагдлаа.
Төрийн аудитын газраас тус сангийн өмнөх онуудад хийгдсэн нийцлийн болон санхүүгийн тайлангийн аудитаар илэрсэн зөрчил, дутагдал сангийн хөрөнгийн зарцуулалт, ашиглалт, цаашид анхаарах асуудлын талаар танилцуулга, мэдээлэл хийлээ.
Тус сургалт, хэлэлцүүлгээр сумын Орон нутгийн хөгжлийн сангийн хөрөнгөөр хэрэгжүүлсэн төсөл, арга хэмжээний тэргүүн туршлага, иргэдэд мэдээлэл хүргэх үйл явц, иргэдийн оролцоо, хяналт шинжилгээний үнэлгээний дүнгийн талаарх мэдээллийг “Тогтвортой амьжиргаа-3” төслөөс танилцуулж, оролцогсод санал бодлоо харилцан солилцсон үр дүнтэй арга хэмжээ боллоо.
