Төрийн аудитын тухай хуулийн 6 дугаар зүйлд заасан Төрийн аудитын байгууллагын бүрэн эрхийн хүрээнд, санхүүгийн тайлангийн аудит хийх байгууллагын жагсаалт, аудит хийх хэлбэр батлах тухай МУЕА-ын 2021 оны А/87 дугаар тушаал, НТАГ-ын даргын 2021 оны А/33 дугаар тушаалаар баталсан аудит хийх хуваарийн дагуу НТАГ 2022 онд улс, орон нутгийн төсвийн байгууллага, ТБОНӨААН, нийт 927 шалгагдагч байгууллагын санхүүгийн тайланг баталгаажуулж, 271 байгууллагад санал дүгнэлт өгч, 656 байгууллагыг түүвэрт хамруулан шалгалаа.
Аудитаар дүгнэлт өгсөн 271 шалгагдагч байгууллагаас 226 буюу 83.4% нь “Зөрчилгүй санал дүгнэлт”, 40 буюу 14.8% нь “Хязгаарлалттай санал дүгнэлт”, 4 буюу 1.5% нь “Сөрөг санал дүгнэлт”, 1 буюу 0.4% нь “Санал дүгнэлт өгөхөөс татгалзсан” дүгнэлтийг тус тус өгсөн.
Нийслэл, дүүргийн улс, орон нутгийн төсвийн байгууллага, ТБОНӨААН-йин 2021 оны санхүүгийн тайланд хийсэн санхүүгийн аудитаар 261.4 тэрбум төгрөг, нийцлийн аудитаар 495.5 тэрбум төгрөг, нийт 756.9 тэрбум төгрөгийн алдаа зөрчил илэрсэн.
Санхүүгийн аудитаар нийт 261.4 тэрбум төгрөгийн алдаа зөрчил илэрснээс, аудитын явцад 46.1 % буюу 120.6 тэрбум төгрөгийн зөрчлийг залруулж, 4.7 тэрбум төгрөгийн зөрчилд төлбөрийн акт тогтоож, 86.9 тэрбум төгрөгийн зөрчлийг дахин давтахгүй байх албан шаардлага, 48.0 тэрбум төгрөгийн зөвлөмж, 1.2 тэр бум төгрөгийн зөрчлийг сахилгын шийтгэл ногдуулахаар шилжүүлж, 40.6 сая төгрөгийн 4 зөрчлийг хууль хяналтын байгууллагад асуудлыг шилжүүлсэн ажилсан байна.
Нийцлийн аудитаар шилэн дансны тухай хуулийн хэрэгжилтийн аудитаар нийт 478.8 тэрбум төгрөгийн зөрчил, бусад хууль тогтоомжийн хэрэгжилтээр нийт 16.7 тэрбум төгрөгийн зөрчил, нийт 495.5 тэрбум төгрөгийн зөрчил илэрсэн байна. Үүнээс 428.3 тэрбум төгрөгийн зөрчилд алдааг дахин давтахгүй байх албан шаардлага өгч, 53.4 тэрбум төгрөгийн зөрчилд зөвлөмж өгч, 13.8 тэрбум төгрөгийн зөрчилд сахилгын шийтгэл ногдуулахаар шилжүүлсэн байна.
Аудитын хоёрдугаар хэлтэс
