Дархан-Уул аймаг дахь Төрийн аудитын газрын зарим ажилтнууд аймгийн Засаг даргын шагнал хүртлээ

Монгол Улсад Төрийн хяналтын тогтолцоо үүсэж хөгжсөний түүхт 100 жилийн ойн өдөр аймгийн нийгэм, эдийн засгийн хөгжилд үнэтэй хувь нэмэр оруулан, төрийн аудитын байгууллагад олон жил үр бүтээлтэй ажиллаж байгаа Дархан-Уул аймаг дахь Төрийн аудитын газрын ажилтнууд аймгийн Засаг даргын шагнал болон Дархан хот байгуулагдсаны 60 жилийн ойн Хүндэт тэмдэгээр шагнууллаа. Дархан-Уул аймгийн “Найрамдлын Дархан” тэмдэгээр аудитор Н.Отгонцэцэг, Г.Батмягмар, “Тэргүүний ажилтан” тэмдэгээр аудитор О.Мягмарсүрэн, Дархан хот байгуулагдсаны 60 жилийн ойн “Хүндэт тэмдэг”-ээр аудитын менежер У.Батсүрэн, ахлах аудитор С.Батцэцэг, аудитор Б.Алтанзул нар шагнууллаа.