Үндэсний аудитын газарт Азийн хөгжлийн банкнаас “Төрийн аудитын байгууллагын чадавхыг бэхжүүлэх” төслийг амжилттай хэрэгжүүлэн ажиллаж байгаа. Уг төслийн хүрээнд Үндэсний аудитын газарт мэдээллийн технологийн чиглэлийн судалгааны ажлуудыг гүйцэтгэхээр Бүгд Найрамдах Энэтхэг Улсаас “Эрнст энд Янг Энэтхэг” компанийн төслийн 5 мэргэжилтэн ажиллахаар 9 дүгээр сарын 5-ны өдөр хүрэлцэн ирээд байна.
Үндэсний аудитын газрын удирдлагууд Азийн хөгжлийн банкны “Төрийн аудитын байгууллагын чадавхыг бэхжүүлэх” төслийн ахлагч, төслийн гүйцэтгэгч “Эрнст энд Янг Энэтхэг” компанийн төслийн мэргэжилтнүүдтэй 9 дүгээр сарын 5-ны өдөр эхний уулзалтаа зохион байгууллаа. Төслийн хүрээнд “Эрнст энд Янг Энэтхэг” компанийн төслийн 5 мэргэжилтэн нь Үндэсний аудитын газарт 9 дүгээр сарын 5-ны өдрөөс 10-ныг хүртэл ажиллахаар төлөвлөсөн юм.
Уулзалтын үеэр төслийг хэрэгжүүлэгч компанийн мэргэжилтнүүд танилцуулга хийж, цаашид хийх судалгааны талаар мэдээлэл өгсөн бөгөөд Үндэсний аудитын газрын удирдлагууд тодруулга мэдээлэл авч, харилцан санал солилцлоо.
Монгол Улсын Ерөнхий аудитор Д.Занданбат Монгол Улсын Үндэсний аудитын газарт хүрэлцэн ирж ажиллаж буй “Эрнст энд Янг Энэтхэг” компанийн төслийн мэргэжилтнүүдтэй хамтарч ажиллахдаа таатай байна гэдгээ илэрхийлэн тус төслийг амжилттай хэрэгжүүлэхэд дэмжлэг үзүүлж байгаа АХБ-ны албаны хүмүүст талархаж байгаагаа уламжиллаа.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
