Монгол Улсад Төрийн хяналтын тогтолцоо үүсч хөгжсөний 100 жилийн ойн баярын хурлыг 2022 оны 09 дүгээр сарын 23-ны өдөр орон нутагтаа зохион байгуулсан бөгөөд баярын хуралд аймаг, сумдын удирдлагууд, аймгийн Хянан шалгах хорооны гишүүд, Аудитын газрын үе үеийн удирдлагууд, албан хаагчид мөн харилцагч байгууллагуудын болон нягтлан бодогч нарын төлөөллүүд оролцлоо.
Хурлыг Төрийн аудитын газрын дарга, тэргүүлэх аудитор Б.Сарантуяа нээж, Төрийн хяналтын байгууллагын 100 жилийн түүхэн товчоо илтгэл-видео танилцуулга, мэндчилгээ дэвшүүллээ.
Баярын хуралд аймгийн ИТХ-ын дарга Ш.Билэггүмбэрэл, Засаг дарга Г.Батзам нар хүрэлцэн ирж, Монгол Улсад Төрийн хяналтын тогтолцоо үүсэж хөгжсөний 100 жилийн ойн мэндчилгээ дэвшүүлж, аймгийн Аудитын газрын Ерөнхий аудитор асан Ц.Цэрэнхүү, Аудитын газрын дарга, тэргүүлэх аудитор асан, Монгол Улсын гавьяат эдийн засагч Ш.Ичинхорлоо, анхны хянан байцаагч, аудитор Д.Оюун, ахмадын төлөөлөл Д.Санжидмаа нар сэтгэгдэл дурсамжаа хуваалцлаа.
Хурлын үеэр Аудитын газрын ахмадууд Төрийн аудитын байгууллагын 100 жил, Ардын хувьсгалын 100 жилийн ойн медалиудаар шагнагдлаа.
Мөн тус арга хэмжээнд Төрийн хяналтын байгууллагын 100 жилийн түүхэн товчоо-видео танилцуулгыг үзүүлж, мини үзэсгэлэн гаргаж, байгууллагын үйл ажиллагааны тайлан, танилцуулга, байгууллага сурталчлах материалуудыг байршуулан байгууллагын үйл ажиллагааг танилцууллаа. 
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
