Монгол Улсад төрийн хяналтын тогтолцоо үүсэж хөгжсөний 100 жилийн ойн хүрээнд аудитын үйл ажиллагааг иргэд олон нийтэд сурталчлан таниулах зорилгоор “Нээлттэй хаалганы өдөр” 2022 оны 09 дүгээр сарын 23-ны өдөр аймгийн Хөгжимт жүжгийн театр болон Генералуудын талбайд болж өнгөрлөө.
Энэхүү арга хэмжээнд Төрийн аудитын байгууллагад ажиллаж байсан ахмад ажилтнууд болон төрийн албан хаагч, иргэд нийт 200 гаруй хүн оролцлоо.
Завхан аймаг дахь Төрийн аудитын газрын дарга, тэргүүлэх аудитор Д.Бат-Ундраа нээлттэй хаалганы өдрийн арга хэмжээг нээж үг хэлж, мэндчилгээ дэвшүүллээ.
Тэргүүлэх аудитор Д.Бат-Ундраа хэлсэн үгэндээ Ардын Засгийн газрын 1922 оны 06 дугаар сарын 23-ны өдрийн хуралдааны “Хянан байцаах хэлтэс” байгуулах шийдвэр гарсан тэр цагаас Төрийн хяналт-Аудитын байгууллагын түүх эхэлсэн ч хэдийнээ 100 жил өнгөрчээ. Төрийн хяналтын үүрэг оролцоо цаг үе бүхэнд залгамжлан хөгжиж ирсэн билээ. Бидний цаашдын хэтийн зорилт бол Монгол Улсын ирээдүйд тулгарч болзошгүй эрсдэлэ эс сэргийлсэн, бүхий л салбарт тулгарах эрсдэлийг удирдах тогтолцоотой болох, түүнд чиглэсэн шинэ зорилт, агуулгаар тулгуур аудитыг гүйцэтгэж, төрийн аудитыг улсын эдийн засаг, нийгмийн хөгжлийн түлхүүр хэрэгсэл болгоход гол анхаарлаа чиглүүлж ажиллах ёстойг дурдсан юм.
Мөн Завхан аймаг дахь Төрийн аудитын газрын хэлтсийн дарга, аудитын менежер Б.Дагвасүрэн байгууллагын 2021-2022 оны үйл ажиллагааны тайлан, 2022 онд хийгдсэн аудит, түүний хэрэгжилт илрүүлэлт, алдаа зөрчлийн талаарх мэдээллийг танилцууллаа.
Нээлттэй хаалганы өдөрлөгөөр Төрийн аудитын газрын үйл ажиллагааны тайлан, тус газраас 2020-2022 онуудад гүйцэтгэсэн аудитын тайланг иргэдэд ил тод байршуулан мэдээллээ.
Мөн “Нээлттэй аудит” www.open.audit.mn сайтаар дамжуулан аудитын тайланг дэлгэрэнгүй, хураангуй, визуал зэрэг хувилбараар хүлээн авч, холбогдох бусад мэдээлэлтэй танилцах боломж болон нийтийн эрх ашгийг хөндсөн, олон нийтийн анхаарлын төвд буй асуудал, аудит хийх сэдэв болон шилэн дансны хуулийн хэрэгжилттэй холбоотой санал хүсэлтийг цахимаар илгээх боломжтойг иргэд олон нийтэд танилцуулан ажиллалаа.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
