Дорноговь ТАГ – Дорнод аймаг дахь Төрийн аудитын газартай харилцан түншийн үнэлгээг хийв

Монгол Улсын Ерөнхий аудиторын 2022 оны А/01 дүгээр тушаалаар батлагдсан “Аудитын чанарын хяналтын үр нөлөөг сайжруулах” зорилт, Дорноговь аймгийн Төрийн аудитын газрын 2022 оны гүйцэтгэлийн төлөвлөгөөний 5.5 дахь заалтын хүрээнд түншийн үнэлгээг Дорнод аймагт 2022 оны 10 дугаар сарын 17, 18-ны өдрүүдэд зохион байгууллаа.

Түншийн үнэлгээг шууд тайлагнах ажилд хамаарах гүйцэтгэлийн 3 аудит, нотлох ажилд хамаарах 4 санхүүгийн тайлангийн аудит, нийт 7 аудит мөн хүний нөөцийн зохион байгуулалт, хяналтын тогтолцоо, чанарын хяналтад АДБОУС 40-д заасан аудитын дээд байгууллагын чанарын хяналтын тогтолцоонд хамаарах аудитын чанарын асуудалтай холбоотой, АДБОУС 5600-д заасан түншийн үнэлгээ хийх удирдамжийн дагуу гүйцэтгэлээ.

Түншийн үнэлгээний явцад Төрийн аудитын байгууллагын ажилтнуудтай ярилцлага хийж, асуулга лавлагаа авах болон холбогдох стандарт журам, заавар бусад эрх зүйн актуудын дагуу аудитын үе шатанд ажилбаруудыг иж бүрэн хангалттай гүйцэтгэсэн эсэх, хянан удирдах ажилтнууд аудитын үе шатанд чанарын хяналтыг бүрэн хэрэгжүүлсэн эсэхийг чанарын баталгаажуулалтын хяналтын хуудсаар хянаж, илэрсэн асуудлыг бүртгэн, шалтгаан үр дагаврыг тодорхойлж, дүгнэлт, зөвлөмж бүхий нэгтгэл тайлан бэлтгэж тус газарт танилцууллаа. Мөн сайшаалтай ололттой талыг гарган өөрсдийн үйл ажиллагаанд нэвтрүүлэхээр боллоо.

Түншийн үнэлгээ хийх ажлыг аймаг дахь Төрийн аудитын газрын дарга, тэргүүлэх аудитор хянан удирдаж, аудитын менежер арга зүйн зөвлөгөө өгч, зааварлан чиглүүлж, үйл явц стандарт, бодлого, горимын дагуу хэрэгжүүлэхэд хяналт тавьж ажиллалаа.

Орон нутагт чанарын хяналтыг хэрхэн хэрэгжүүлж байгаа эсэхийг харилцан үнэлсэн тайланг баталгаажуулан Үндэсний аудитын газрын Чанарын баталгаажуулалтын албанд хүргүүлнэ.