mn

ГЭРЭЭГЭЭР АЖИЛЛАХ АУДИТЫН ХУУЛИЙН ЭТГЭЭДИЙГ СОНГОН ШАЛГАРУУЛАХ УРИЛГА

Үндэсний аудитын газар нь Төсвийн тухай хуулийн 8 дугаар зүйлийн 8.9.1, 8.9.8 дахь заалт, Төрийн аудитын тухай хуулийн 8 дугаар зүйлийн 8.4, 8.7 дахь хэсгийг  тус тус үндэслэн, “Шалгагдагч этгээдийн 2022 оны санхүүгийн тайлангийн аудитыг гүйцэтгэх  аудитын хуулийн этгээдийг сонгон шалгаруулах” гэж байгаа тул оролцох хүсэлтэй аудитын үйлчилгээ үзүүлэх тусгай зөвшөөрөл бүхий хуулийн этгээдийг мэдээллээ ирүүлэхийг урьж байна. Энэхүү сонгон шалгаруулалт нь нэмэлт 16 багцад хамаарна.

Санхүүгийн тайлангийн аудитыг гэрээний үндсэн дээр гүйцэтгэх аудитын хуулийн этгээд нь Төсвийн шууд захирагч, Төрийн өмчит болон Төрийн өмчийн оролцоотой хуулийн этгээд, Төсөл, хөтөлбөрийн нэгжийн 2022 оны 12 дугаар сарын 31-ний өдрөөр дуусвар болсон санхүүгийн тайлан, төсвийн гүйцэтгэлийг Төсвийн тухай хууль, Нягтлан бодох бүртгэлийн тухай хууль, УСНББОУС, СТОУС, НББОУС болон тэдгээрт нийцүүлэн эрх бүхий байгууллагаас гаргасан нягтлан бодох бүртгэл, тайлагналын холбогдох заавар, журамд нийцүүлэн үнэн зөв гаргасан эсэх талаар дүгнэлт гаргаж баталгаажуулах ажлыг гүйцэтгэнэ.

Аудитыг Төсвийн тухай хуулийн 8 дугаар зүйлийн 8.9-д заасан цаглабарт хугацаанд багтаан төрийн аудитын байгууллагын хянан удирдах ажилтнуудаар хянуулсан аудитын төлөвлөгөө, хөтөлбөрийн дагуу хэрэгжүүлнэ.

Мэдүүлэг ирүүлж буй аудитын хуулийн этгээд нь дараах материалыг цахимаар ирүүлнэ. Үүнд:

  • Улсын бүртгэлийн гэрчилгээний хуулбар;
  • Тусгай зөвшөөрлийн гэрчилгээний хуулбар;
  • Татварын тодорхойлолт (цахим системээс татаж авсан);
  • Нийгмийн даатгалын тодорхойлолт (цахим системээс татаж авсан);
  • ШШГЕГ-ын хугацаа хэтэрсэн өр төлбөргүй талаарх тодорхойлолт;
  • Шүүхийн төрөлжсөн архивын тодорхойлолт;
  • ММНБИ-ын тодорхойлолт;
  • Гүйцэтгэсэн ижил төстэй зөвлөх үйлчилгээний мэдээлэл (2019, 2020, 2021 он);
  • Үндсэн ажилтны анкет, боловсрол, мэргэшлийн гэрчилгээний хуулбар;
  • Үндсэн ажилтны нийгмийн даатгалын цахим лавлагаа (сүүлийн 1 жилээр буюу 2021 оны 09 дүгээр сараас 2022 оны 09 дүгээр сарыг дуустал);
  • Санхүүгийн тайлан (2020,2021 он).

Сонирхсон этгээд нэмэлт мэдээллийг 2022 оны 10 дугаар 24-ний өдрийн 17:00 цагаас 2022 оны 10 дугаар сарын 31-ний өдрийн 16:30 цагийн хооронд авах бөгөөд материалаа дор дурдсан хаягаар 2022 оны 10 дугаар сарын 31-ний өдрийн 17:00 цагийн дотор tsend-ayushn@audit.gov.mn, info@audit.gov.mn цахим хаягаар, pdf файл хэлбэрээр ирүүлнэ үү.

Хариуцсан ажилтан: Үндэсний аудитын газрын Захиргаа, хууль, эрх зүйн газрын худалдан авах үйл ажиллагаа хариуцсан шинжээч Н.Цэнд-Аюуш. Гар утас: 88051068

Захиалагчийн хаяг: 15160 Улаанбаатар хот, Чингэлтэй дүүрэг, Бага тойруу-3, Засгийн газрын IV байр, 409 тоот өрөө. Үндэсний Аудитын газар. Утас: 51-26 35 33. www.audit.mn.

 

Аудитын тайлан

Их уншсан