Төрийн аудитын тухай хуулийн 8 дугаар зүйлийн 8.1 дэх заалт, Нийслэл дэх Төрийн аудитын газрын 2022 оны гүйцэтгэлийн төлөвлөгөөг үндэслэн нийслэл, 9 дүүрэгт холбогдох эрх бүхий албан тушаалтнуудыг оролцуулан улс, орон нутгийн төсвийн байгууллага, өрхийн эрүүл мэндийн төв болон орон нутгийн өмчит аж ахуйн нэгжүүдийн 2022 оны санхүүгийн тайланд хийх завсрын аудитын нээлтийг хийж, завсрын аудитыг гүйцэтгэж байна.
Санхүү-нийцлийн хэлтсийн дарга, аудитын менежер З.Мөнхбаяр, аудитын менежер нар завсрын аудитыг нээж аудитын зорилго, хамрах хүрээ, багийн бүрэлдэхүүн болон өмнөх оны аудитын үр дүн, цаашид анхаарах асуудал талаар мэдээлэл өглөө.
Завсрын аудитын зорилго нь 2022-2023 онд хийх санхүүгийн тайлангийн аудитын бэлтгэл ажлын хүрээнд нийслэл, дүүргийн орон нутгийн төсвийн байгууллага, өрхийн эрүүл мэндийн төв, орон нутгийн өмчит аж ахуйн нэгжүүдийн 2022 оны эхний хагас жилийн санхүүгийн тайлан нь Улсын секторын нягтлан бодох бүртгэлийн олон улсын стандарт /УСНББОУС/, Санхүүгийн тайлагналын олон улсын стандарт /СТОУС/, Нягтлан бодох бүртгэлийн олон улсын стандарт /НББОУС/ болон холбогдох хууль, заавар журмын дагуу үнэн, зөв бэлтгэсэн эсэхийг хянах, аудитаар илэрсэн алдаа, зөрчлийг шалгагдагч байгууллагын удирдлагад танилцуулж заавар, зөвлөгөө өгөх, өмнөх оны аудитаар өгсөн төлбөрийн акт, албан шаардлага, зөвлөмжийн хэрэгжилтийг шалгахад чиглэгдэнэ. Үүнд:
- 2021-2022 онд улс, орон нутгийн төсвийн хөрөнгө оруулалт болон орон нутгийн хөгжлийн сангийн хөрөнгөөр бэлтгэсэн хөрөнгийг данс бүртгэлд бүрэн тусгасан эсэхийг тулган шалгах;
- Үндсэн хөрөнгө, бараа материалын үлдэгдэлд биет тест хэрэгжүүлж, хэсэгчилсэн хяналтын тооллого хийх;
- Нягтлан бодох бүртгэлийн данснуудын гүйлгээг түүвэрлэн хууль, заавар журмын дагуу хийгдсэн эсэхийг шалгах, ажил гүйлгээг тулган баталгаажуулах, дүнгээс хөөн шалгах, давтан тооцоолол хийх;
- Шилэн дансны болон Төрийн хэмнэлтийн тухай хуулиудын хэрэгжилтийг 2022 оны III улирлын байдлаар шалгах.
- Өмнөх оны аудитаар өгсөн төлбөрийн акт, албан шаардлага, зөвлөмжийн хэрэгжилтийг хянах.
Санхүү-нийцлийн хэлтэс
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
