ГЭРЭЭГЭЭР АЖИЛЛАХ АУДИТЫН ХУУЛИЙН ЭТГЭЭДИЙГ СОНГОН ШАЛГАРУУЛАХ ЗАР
Говьсүмбэр аймаг дахь Төрийн аудитын газар нь Төсвийн тухай хуулийн 8 дугаар зүйлийн 8.9.1, 8.9.8 дахь заалт, Төрийн аудитын тухай хуулийн 8 дугаар зүйлийн 8.4, 8.7 дахь заалтыг тус тус үндэслэн шалгагдагч этгээдийн 2022 оны санхүүгийн тайлангийн аудитыг гүйцэтгэх зорилгоор аудитын үйл ажиллагаанд гэрээний үндсэн дээр оролцох хуулийн этгээдийг сонгон шалгаруулж, гэрээ байгуулахаар төлөвлөж байгаа тул оролцох хүсэлтэй аудитын хуулийн этгээдийг мэдээллээ ирүүлэхийг урьж байна.
Санхүүгийн тайлангийн аудитыг гэрээний үндсэн дээр гүйцэтгэх аудитын хуулийн этгээд нь Төсвийн захирагчийн бэлтгэсэн 2022 оны санхүүгийн тайланг УСНББОУС, СТОУС, НББОУС болон тэдгээрт нийцүүлэн эрх бүхий байгууллагаас гаргасан нягтлан бодох бүртгэл, тайлагналын холбогдох заавар, журамд нийцүүлэн үнэн зөв гаргасан эсэх талаар дүгнэлт гаргаж баталгаажуулах ажлыг гүйцэтгэнэ.
Аудитыг Төсвийн тухай хуулийн 8 дугаар зүйлийн 8.9-д заасан цаглаварт хугацаанд багтаан төрийн аудитын байгууллагын хянан удирдах ажилтнуудаар хянуулсан аудитын төлөвлөгөө, хөтөлбөрийн дагуу хэрэгжүүлнэ.
Аудитад шалгагдагч этгээдийн 2022 оны санхүүгийн тайлан, тодруулгууд, ерөнхий дэвтэр, журнал, анхан шатны баримт шаардлагатай бусад баримтуудыг хамруулна.
Энэхүү үйл ажиллагаа нь Монгол Улсын Ерөнхий аудиторын 2020 оны А/82 дугаар тушаалын хавсралтаар батлагдсан “Шинжээч сонгон шалгаруулах, гэрээ байгуулах, дүгнэх, гүйцэтгэсэн ажлын чанарыг хянах журам”-ын хүрээнд хэрэгжих болно.
Мэдүүлгээ ирүүлж буй аудитын хуулийн этгээд нь дараах материалыг ирүүлнэ. Үүнд:
- Улсын бүртгэлийн гэрчилгээний хуулбар
- Тусгай зөвшөөрлийн гэрчилгээний хуулбар
- Татварын тодорхойлолт /цахим/
- Нийгмийн даатгалын тодорхойлолт /цахим/
- ШШГЕГ-ын хугацаа хэтэрсэн өр төлбөргүй талаарх тодорхойлолт
- Шүүхийн төрөлжсөн архивын тодорхойлолт
- ММНБИ-ийн тодорхойлолт
- Гүйцэтгэсэн адил төсөөтэй зөвлөх үйлчилгээний мэдээлэл /сүүлийн 3 жилээр/
- Үндсэн ажилтны анкет, боловсрол, мэргэшлийн гэрчилгээний хуулбар
- Үндсэн ажилтны нийгмийн даатгалын цахим лавлагаа /сүүлийн 1 жилээр/
- Санхүүгийн тайлан /сүүлийн 2 жилээр/
Сонирхсон этгээд нэмэлт мэдээллийг 2022 оны 11 дүгээр сарын 07-ны өдрийн 17:00 цагаас 2022 оны 11 дүгээр сарын 14-ний өдрийн 16:30 цагийн хооронд авах бөгөөд материалаа 2022 оны 11 дүгээр сарын 14-ний өдрийн 17.00 цагаас өмнө цахим хэлбэрээр govisumber@audit.gov.mn хаягаар ирүүлнэ үү.
ГОВЬСҮМБЭР АЙМАГ ДАХЬ ТӨРИЙН АУДИТЫН ГАЗАР
ХОЛБОО БАРИХ УТАС: 7054-3156, 7054-3179, 96001177
Захиалагчийн хаяг: Говьсүмбэр аймаг, Сүмбэр сум, 3 дугаар баг, Нутгийн удирдлагын ордон, 2 давхарт, Говьсүмбэр аймаг дахь Төрийн аудитын газар 205 тоот
