Монгол Улсын Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг шалгах үүрэг бүхий Улсын Их Хурлын Хянан шалгах түр хороо 2022.11.14-ний өдөр хуралдав.
Хуралдаанаар “Хянан шалгах түр хорооны шинжээчийн бүрэлдэхүүнд өөрчлөлт оруулах” тухай тогтоолын төслийг хэлэлцсэн.
Хянан шалгах түр хорооны 2022 оны 10 дугаар сарын 12-ны өдрийн “Шинжээч томилох тухай” тогтоолоор байгуулсан шинжээчийн бүрэлдэхүүнд өөрчлөлт оруулж, Үндэсний аудитын газрын Аудитын нэгдсэн удирдлага, зохицуулалтын газрын ахлах аудитор Б.Хишигтогтох, Монголбанкны Хууль, эрх зүйн газрын ахлах мэргэжилтэн Б.Мөнх-Орших нарыг Монгол Улсын Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явцын талаар Хянан шалгах үүрэг бүхий түр хорооны шинжээчээр хоёр сарын хугацаагаар томилохоор тогтоолын төсөлд тусгасныг Түр хорооны дарга Б.Энхбаяр танилцуулав.
Санал хураалт явуулахад хуралдаанд оролцсон гишүүдийн олонх буюу 66.7 хувь нь “Хянан шалгах түр хорооны шинжээчийн бүрэлдэхүүнд өөрчлөлт оруулах” тухай тогтоолын төслийг батлахыг дэмжлээ хэмээн УИХ-ын Хэвлэл мэдээлэл, олон нийттэй харилцах хэлтсээс мэдээлэв.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
