Төрийн аудитын байгууллага Дээд боловсрол олгож буй өнөөгийн байдал, үр дүнд аудит хийж, дүгнэлт, зөвлөмж боловсруулан Монгол Улсын Их Хурлын холбогдох Байнгын хороо болон байгууллагуудад хүргүүллээ.
“Төрийн аудитын байгууллагаас аудит хийх журам”-ын дагуу дээд боловсролын салбарт мөрдөж байгаа хууль, эрх зүйн актыг судалж, Боловсролын асуудал эрхэлсэн төрийн захиргааны төв байгууллага болон холбогдох бусад байгууллагуудаас гаргуулсан баримт, мэдээлэл, эрдэмтэн судлаачдын бичсэн дүгнэлт, тайланг судалж, нотлох зүйл цуглуулан тэдгээрийн үр дүнд үндэслэн дүгнэлт, зөвлөмж боловсруулсан.
Тус аудитаар дээд боловсролын сургалт, судалгаа, хууль эрх зүйн орчныг олон улсын жишигт нийцүүлэн шинэчлэх шаардлагатай байна гэсэн ерөнхий дүгнэлт гаргасан юм. Мөн Боловсролын зээлийн сангаас суралцагчдад үзүүлэх үндэсний тэтгэлэг, зээл, буцалтгүй тусламжийн үйлчилгээг ил тод, нээлттэй болгоогүй, улсын төсвөөс дэмжлэг авах суралцагчдын сонгон шалгаруулалт, зээл олголтын нэгдсэн бүртгэл, мэдээллийн сангийн бүрдүүлэлт хангалтгүй, сургалтын төлбөрийн зээлийн чөлөөлөлт, эргэн төлөлтөд тавих хяналт сул байгаагаас жилээс жилд авлагын дүн өссөн гэж дүгнэжээ.
Аудитын дүн, дүгнэлт, нотлох зүйлст үндэслэн Боловсрол шинжлэх ухааны сайдад 10 асуудлаар зөвлөмж хүргүүлээд байна.
Дээд боловсрол олгож буй өнөөгийн байдал, үр дүнд хийсэн аудитын тайлантай Энд дарж танилцах боломжтой.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
