Шинжээчийн сонгон шалгаруулалтад оролцох урилга хүргүүлэх тухай

Үндэсний аудитын газар нь ”Төрийн аудитын байгууллагын 2023 онд гүйцэтгэх аудитад шинжээч ажиллуулах ерөнхий төлөвлөгөө”-нд тусгасан “Газрын тосны салбарт бүтээгдэхүүн хуваах гэрээгээр хайгуулын болон олборлолтын үйл ажиллагаа явуулсан гэрээлэгчийн нийт хөрөнгө оруулалт, өртөг нөхсөн болон нөхөх зардлын хэмжээ, газрын тосны экспорт, борлуулалтын орлогын тооцоо, хуваарилалтад баталгаажуулалт хийх аудит”-ын хүрээнд дараах ажлуудад тусгай мэдлэг, ур чадварын үндсэн дээр мэргэжлийн зөвлөх үйлчилгээ үзүүлэх шинжээч ажиллуулах гэж байгаа тул шаардлага хангасан зөвлөхийн үйлчилгээ үзүүлэх хүсэлтэй хувь хүн/баг/, хуулийн этгээдийг саналаа ирүүлэхийг урьж байна. Үүнд:

Сонгон шалгаруулах үйл ажиллагаа нь Монгол Улсын Ерөнхий аудиторын 2020 оны А/82 дугаар тушаалын хавсралтаар батлагдсан “Шинжээч сонгон шалгаруулах, гэрээ байгуулах, дүгнэх, гүйцэтгэсэн ажлын чанарыг хянах журам”-ын дагуу хэрэгжинэ.

Шинжээч нь Монгол Улсын холбогдох хууль тогтоомжийг үйл ажиллагаандаа мөрдлөг болгон ажлын даалгаварт заасан ажлыг мэргэжлийн болон чанарын өндөр түвшинд гүйцэтгэж, шаардлагатай судалгаа, шинжилгээ, тооцоо, тайлан бусад ажлыг хугацаанд нь гүйцэтгэх бөгөөд аудитын багтай хамтран Монгол Улсын Ерөнхий аудиторын баталсан аудитын төлөвлөгөө, хөтөлбөрийн дагуу холбогдох ажлын даалгаварт заасан ажлыг журам, АДБОУС болон холбогдох бусад баримт бичигт нийцүүлэн, чанартай, арвилан хэмнэлттэй, үр ашигтай, үр нөлөөтэй хэлбэрээр, цаг хугацаанд нь хийж гүйцэтгэх үүрэгтэй.

Бэлтгэсэн ажлын баримт материалд тулгуурлан аудитын гүйцэтгэлийн болон тайлагналын үе шатанд тайлан бичиж, дүгнэлт гарган, холбогдох баримт бичгийг гэрээ байгуулсан өдрөөс хойш 60 хүртэл хоногийн хугацаанд аудитын багт хүлээлгэн өгнө.

Ажлын даалгаврыг хавсаргав.

Ажлын даалгаварт гүйцэтгэх ажил, үүрэг, ажлын хамрах хүрээ, хүлээгдэж буй үр дүн, бүтээгдэхүүн, удирдлага, зохион байгуулалт, шинжээчид тавигдах шаардлага болон ажлын туршлага, төлбөрийн нөхцөл зэргийг тусгасан болно.

Санал болон мэдүүлэг ирүүлж буй хувь хүн/баг/, хуулийн этгээд нь дээрх зөвлөх үйлчилгээг гүйцэтгэхээ илэрхийлсэн албан хүсэлт ирүүлэхээс гадна дараах мэдээллийг  ирүүлнэ үү. Үүнд:

 Хуулийн этгээд бол:

            -Улсын бүртгэлийн гэрчилгээний хуулбар;

– Татварын өргүй тухай тодорхойлолт /цахимаас татан авсан/;

– Нийгмийн даатгалын шимтгэлийн өргүй тодорхойлолт/цахимаас татан авсан/;

– Шүүхийн төрөлжсөн архивын тодорхойлолт;

– Гүйцэтгэсэн ижил төстэй зөвлөх үйлчилгээний мэдээлэл сүүлийн 3 жилээр /2020,2021, 2022 он/;

– Ажилтны анкет, боловсрол, мэргэшлийн гэрчилгээний хуулбар;

– Ажилтны нийгмийн даатгалын цахим лавлагаа /сүүлийн 1 жилээр/;

– Сүүлийн 2 жилийн санхүүгийн тайлан, аудитын дүгнэлтийн хамт /2020, 2021 он/

 Хувь хүн/баг бол:

–          Иргэний үнэмлэхийн хуулбар;

–          Анкет /СV/;

–         Боловсрол, мэргэшлийн гэрчилгээний хуулбар;

–         Гүйцэтгэсэн ижил төстэй зөвлөх үйлчилгээний мэдээлэл /сүүлийн 3 жилээр/;

–         Багийн хувьд гишүүдийн хамтран ажиллах гэрээ /нотариатаар баталгаажуулсан байх/;

–      Хувь хүн/иргэн/ дангаараа, эсвэл багаар санал ирүүлж буй тохиолдолд шүүхийн шийдвэрээр бусдад төлбөргүй эсэх тодорхойлолтыг /e-mongolia/ хавсарган ирүүлэх: Холбогдох маягтыг хавсаргав. Эндээс татаж авна уу.

Сонирхсон этгээд нь ажлын даалгавар, бусад холбогдох мэдээллийг www.audit.mn цахим хаягаас болон ҮАГ-ын Захиргаа, хууль, эрх зүйн газрын худалдан авах үйл ажиллагаа хариуцсан шинжээч Н.Цэнд-Аюушаас авч болно.

Холбоо барих утасны дугаар: ажлын-51-261745, гар утас-88051068.

Саналыг файл хэлбэрээр info@audit.gov.mn, tsend-ayushn@audit.gov.mn цахим шуудангаар 2023 оны 03 дугаар сарын 20-ны өдрийн 14 цаг 00 минутаас өмнө ирүүлнэ үү.

Захиалагчийн хаяг: Үндэсний аудитын газар-15160. Улаанбаатар хот. Чингэлтэй дүүрэг, Бага тойруу-3, Засгийн газрын IV байр.

ХУУЛИЙН ЭТГЭЭД СОНГОН ШАЛГАРУУЛАХ ЗАРЛАЛ

3 жил ago by Khentii Khentii 7 min read No comments

                   …