Хөвсгөл аймаг дахь Төрийн аудитын газар нь нэгдсэн удирдамжаар гүйцэтгэж буй “Эрүүл мэндийн даатгал, үр дүнд суурилсан санхүүжилтийн тогтолцоо, үр нөлөө” гүйцэтгэлийн аудитын нээлтийг аймгийн Эрүүл мэндийн газрын шуурхай удирдлагын танхимд 2023 оны 03 дугаар сарын 10-ны өдөр зохион байгууллаа.
Хөвсгөл аймаг дахь Төрийн аудитын газрын дарга, Тэргүүлэх аудитор, аудитын менежер, аудитын багаас аудитын ерөнхий мэдээллийг өгч дараах зүйлсийг аудитад хамрагдагч талд санамж болгон танилцууллаа. Үүнд:
- Аудитын төлөвлөгөө, хөтөлбөр, асуудлын шинжилгээ, аудитын хамрах хүрээ, анхаарах асуудал
- Монгол Улсын урт хугацааны хугацааны хөгжлийн бодлого УИХ-ын 2020 оны 52 дугаар “Алсын хараа – 2050”-д эрүүл мэндийн чиглэлээр тэр дундаа Эрүүл мэндийн даатгалын чиглэлээр тусгагдсан зорилт арга хэмжээ,
- Эрүүл мэндийн байгууллагуудын 2022 оны санхүүгийн тайлан, төсвийн гүйцэтгэлд хийсэн санхүүгийн тайлангийн аудитаар илэрсэн зөрчил, зөрчилд авсан арга хэмжээ тус тус танилцуулж нээлтийг ярилцлага, хэлэлцүүлэг хэлбэрээр зохион байгууллаа.
Аудитын нээлтэд аймгийн Эрүүл мэндийн газар, Эрүүл мэндийн даатгалын хэлтэс, Нийгмийн даатгалын хэлтэс, Нэгдсэн эмнэлэг, Сумын эрүүл мэндийн төв, Өрхийн эрүүл мэндийн төв, Хувийн эмнэлэг, эмийн сангийн дарга, захирал удирдлагууд зэрэг нийт 30 орчим албан хаагч оролцлоо.
