Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуулийн 37 дугаар зүйлийн 37.8-д “Орон нутгийн Хурлын ээлжит бус, нөхөн, дахин сонгуулиар нам, эвсэл болон бие даан нэр дэвшигч нь төрийн аудитын дээд байгууллагаас тогтоосон хугацаанд сонгуулийн мөрийн хөтөлбөр болон энэ хуулийн 25.3.6, 25.4.6-д заасан хандивын тайландаа дүгнэлт гаргуулахаар төрийн аудитын байгууллагын орон нутаг дахь салбар байгууллагад хүргүүлнэ” гэж заасан.
Сонгуулийн ерөнхий хорооноос Үндэсний аудитын газарт ирүүлсэн албан бичгийн дагуу Баянхонгор аймгийн иргэдийн Төлөөлөгчдийн Хурал, Баянговь, Баян-Овоо, Богд, Заг сумын иргэдийн Төлөөлөгчдийн Хурлын нөхөн сонгуульд оролцох нам, эвслийн мөрийн хөтөлбөр, хандивын тайланг 2023 оны 04 дүгээр сарын 11-ний өдрийн 18.00 цаг хүртэл Баянхонгор аймаг дахь Төрийн аудитын газрын 310 тоот өрөөнд мөрийн хөтөлбөрийн 4 эх хувийг хавсралтуудын хамт ирүүлнэ үү.
Орон нутгийн хурлын нөхөн сонгуульд бие даан нэр дэвшигч 2023 оны 04 дүгээр сарын 25-ны дотор Баянхонгор аймаг дахь Төрийн аудитын газрын 310 тоот өрөөнд мөрийн хөтөлбөрийн 4 эх хувийг дараах хавсралтуудын хамт ирүүлнэ үү. Жич: Мөрийн хөтөлбөрийг бие даан нэр дэвшигч өөрөө авчрах боломжгүй, итгэмжлэгдсэн төлөөлөгчөөр ирүүлэх тохиолдолд нотариатаар батлуулсан итгэмжлэл, төлөөлөгчийн иргэний үнэмлэхийг авч ирэхийг анхаарна уу.
БАЯНХОНГОР АЙМАГ ДАХЬ ТӨРИЙН АУДИТЫН ГАЗАР
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
