“Улс, орон нутгийн төсвийн 2022 оны хөрөнгө оруулалтын төлөвлөгөөний хэрэгжилт, үр дүн”-д аудит хийж гүйцэтгэлээ.
Төрийн аудитын тухай хуулийн 6 дугаар зүйлд заасан бүрэн эрх, Монгол Улсын Ерөнхий аудиторын 2023 оны А/04 дүгээр тушаалаар баталсан “Төрийн аудитын байгууллагын 2023 онд гүйцэтгэх аудитын төлөвлөгөө”-ний дагуу Нийслэл дэх Төрийн аудитын газраас “Улс, орон нутгийн төсвийн 2022 оны хөрөнгө оруулалтын төлөвлөгөөний хэрэгжилт, үр дүн”-д гүйцэтгэлийн аудитыг нэгдсэн удирдамжаар хийж, тайланг холбогдох байгууллагуудад хүргүүллээ.
Аудитад Нийслэл, дүүргийн Засаг даргын Тамгын газар, Нийслэл, дүүргийн Худалдан авах ажиллагааны албад, Нийслэлийн Хот байгуулалт, хөгжлийн газар, Нийслэлийн Замын хөгжлийн газар, Нийслэлийн цахим хөгжил, мэдээллийн технологийн газар, Нийслэлийн Боловсролын газар, Нийслэлийн Өмчийн ашиглалт удирдлагын газар, “НХОГ” ОНӨААТҮГ болон холбогдох газрууд хамрагдсан.
Уг аудитуудаар төсвийн ерөнхийлөн захирагчдаас НЗД-д эрх шилжүүлсэн улсын төсвийн хөрөнгө оруулалтаар хэрэгжүүлсэн ТАХ болон орон нутгийн төсвийн хөрөнгө оруулалтаар хэрэгжүүлсэн ТАХ-ний төлөвлөлт, худалдан авалт, гүйцэтгэл, санхүүжилтийг хамруулж, аудитын дүнд үндэслэн холбогдох байгууллагуудад давхардсан тоогоор нийт 26 зөвлөмж, 1 төлбөрийн акт, зөрчил арилгуулах 4 албан шаардлага хүргүүлээд байна.
ГҮЙЦЭТГЭЛ-НИЙЦЛИЙН ХЭЛТЭС
