Төрийн аудитын тухай хуулийн 6 дугаар зүйлийн 6.3 дахь хэсэгт заасан бүрэн эрх, Монгол Улсын Ерөнхий аудиторын 2023 оны А/04 дүгээр тушаалын хавсралтаар баталсан “Төрийн аудитын байгууллагын 2023 онд гүйцэтгэх аудитын төлөвлөгөө”-ний дагуу Нийслэл дэх Төрийн аудитын газраас “Байгалийн нөөц ашигласны төлбөрийн тухай хуулийн хэрэгжилт”-д хийж буй нийцлийн аудитын нээлтийг 2023 оны 5 дугаар сарын 10-ны өдөр хийлээ.
Аудитын нээлтэд Гүйцэтгэл-нийцлийн аудитын хэлтсийн дарга, аудитын менежер Э.Мөнхмандах, аудитын менежер болон аудитын баг, Нийслэлийн Байгаль орчны газар, Улаанбаатар хотын Ус сувгийн удирдах газар, Нийслэлийн Татварын газар, Туул голын сав газрын захиргаа, холбогдох газар нэгжийн удирдлага, төлөөллүүд оролцлоо.
Дээрх байгууллагуудад аудитын төлөвлөгөө хөтөлбөрийн дагуу Байгалийн нөөц ашигласны төлбөр хураамжийн тухай хуулийн хэрэгжилттэй холбоотой эрх зүйн орчин, бодлогын баримт бичгийн хэрэгжилт, орлого бүрдүүлэлт, зарцуулалт зэргийг хамруулах талаар танилцуулсан.
ГҮЙЦЭТГЭЛ-НИЙЦЛИЙН АУДИТЫН ХЭЛТЭС
