Ховд аймагт үндэсний бичиг үсгийн баярыг тохиолдуулан “Хос бичигтэн Ховдчууд” аяны хүрээнд үндэсний бичгээ эрхэмлэн дээдэлж түгээн дэлгэрүүлэх, төрийн албан хаагчдын монгол бичгийн хэрэглээний чадварыг нэмэгдүүлэх зорилгоор зохион байгуулж буй “Хүмүүн бичиг-Хүн бүрийн бичиг” уралдаан үргэлжилж байна.

Энэ удаагийн уралдаанд Байгаль орчин, аялал жуулчлалын газар, Гэр бүл хүүхэд залуучуудын хөгжлийн газар, Нийгмийн даатгалын хэлтэс, Ховд аймаг дахь Төрийн аудитын газар гэсэн дөрвөн багийн 20 албан хаагч оролцлоо.

Тэргүүн байранд Ховд аймаг дахь Төрийн аудитын газрын “Хос бичигтэн” баг шалгарч 2 дугаар шатанд оролцох эрхээ авлаа.