“ХӨДӨӨ АЖ АХУЙН САЛБАРЫН ЗЭЭЛ ТУСЛАМЖИЙН ХӨРӨНГИЙН АШИГЛАЛТ, ҮР ӨГӨӨЖ”-Д ХИЙХ ГҮЙЦЭТГЭЛИЙН АУДИТЫН НЭЭЛТИЙГ ХИЙЛЭЭ

Төрийн аудитын тухай хуулийн 6 дугаар зүйлийн 6.3 дахь хэсэгт заасан бүрэн эрх, Монгол Улсын Ерөнхий аудиторын 2023 оны А/04 дүгээр тушаалын хавсралтаар баталсан “Төрийн аудитын байгууллагын 2023 онд гүйцэтгэх аудитын төлөвлөгөө”-ний дагуу Нийслэл дэх Төрийн аудитын газраас “Хөдөө аж ахуйн салбарын зээл тусламжийн хөрөнгийн ашиглалт, үр өгөөж”-д хийж буй гүйцэтгэлийн аудитын нээлтийг  2023 оны 5 дугаар сарын 22-ны өдөр хийлээ.

Аудитын нээлтэд Гүйцэтгэл-нийцлийн аудитын хэлтсийн аудитын менежер болон аудитын баг, Нийслэлийн Засаг даргын тамгын газар, Нийслэлийн Хүнс, хөдөө аж ахуйн газар, Бэлчээрийн менежмент төслийн нэгж ОНӨТҮГ зэрэг холбогдох газар нэгжийн удирдлага, төлөөллүүд оролцлоо.

Дээрх байгууллагуудад аудитын төлөвлөгөө хөтөлбөрийн дагуу Хөдөө аж ахуйн салбарын зээл тусламжийн хөрөнгийн ашиглалтын тухай хуулийн хэрэгжилттэй холбоотой эрх зүйн орчин, бодлогын баримт бичгийн хэрэгжилт, зээлийн зарцуулалт, хандив тусламж зэргийг хамруулах талаар танилцуулсан.

ГҮЙЦЭТГЭЛ-НИЙЦЛИЙН АУДИТЫН ХЭЛТЭС