Төрийн аудитын тухай хуулийн 6 дугаар зүйлийн 6.3.1-д заасан Төрийн аудитын байгууллагын бүрэн эрхийн хүрээнд “БАЙГАЛЫН НӨӨЦ АШИГЛАСНЫ ТӨЛБӨРИЙН ТУХАЙ ХУУЛИЙН ХЭРЭГЖИЛТ”-д хийх нийцлийн аудитын нээлтийг 2023 оны 05 дугаар сарын 26-ний өдөр зохион байгууллаа.
Аудитын нээлтэд Засаг дарга, Засаг даргын Тамгын газрын дарга, аймгийн Хөгжлийн бодлого төлөвлөлт, хөрөнгө оруулалтын хэлтсийн дарга, аймгийн Санхүү, төрийн сангийн хэлтсийн дарга, аймгийн Газрын харилцаа, барилга, хот байгуулалтын газрын дарга, Байгаль орчин, аялал жуулчлалын газрын дарга, Сум дундын ойн ангийн дарга, Баян-Өндөр сумын ЗДТГ-н дарга, Жаргалант сумын ЗДТГ-н дарга болон Орхон аймаг дахь Төрийн аудитын газрын дарга, аудитын менежер, гүйцэтгэлийн аудитын багийн гишүүд оролцлоо.
Аудитыг Орхон аймаг дахь Төрийн аудитын газрын дарга, Тэргүүлэх аудитор Ц.Нармандах нээж аудитын зорилго зорилт, хамрах хүрээ, багийн бүрэлдэхүүн болон анхаарах асуудлын талаар мэдээлэл өглөө.
Аудитыг Байгалын нөөц ашигласны төлбөрийн тухай хуулийн хэрэгжилт үр дүнтэй эсэхэд хариулт өгөх замаар гүйцэтгэнэ.
Аудит 2023 оны 06 дугаар сарын 19-ны өдөр эцэслэн дуусгах тул байгаль орчныг хамгаалах, нөхөн сэргээх арга хэмжээ, нөөц ашигласны төлбөртэй холбоотой санал хүсэлтийг Орхон аймаг дахь Төрийн аудитын газарт ирүүлэх боломжтой юм.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
