“АУДИТЫН ШИЙДВЭРИЙН ХЭРЭГЖИЛТ, ТҮҮНИЙ ҮР НӨЛӨӨ, ИЛ ТОД, ХАРИУЦЛАГАТАЙ БАЙДЛЫГ САЙЖРУУЛАХ” ЗОРИЛТЫН ХҮРЭЭНД ХАРИЛЦАГЧ БАЙГУУЛЛАГУУДТАЙ ЗӨВЛӨЛДӨХ УУЛЗАЛТ ЗОХИОН БАЙГУУЛЛАА.

Төрийн аудитын шийдвэрийн хэрэгжилт, түүний үр нөлөө, ил тод, хариуцлагатай байдлыг сайжруулахад шалгагдагч байгууллага болон холбогдох албан тушаалтнуудын ажлын хариуцлагыг дээшлүүлэх, харилцан ойлголцлыг нэмэгдүүлэх зорилгоор 2023 оны 06 дугаар сарын 22-ны өдөр аймгийн ЗДТГ-ын иргэний танхимд сумдын Засаг дарга, нийгмийн бодлогын салбар, хөрөнгө оруулалт, дэд бүтцийн салбар, хууль эрх зүйн салбар, төрийн захиргааны салбарын дарга, санхүүгийн ажилтнуудтай зөвлөлдөх уулзалтыг амжилттай зохион байгууллаа. Тус уулзалтад 51 харилцагч байгууллагын 79 дарга, санхүүгийн ажилтнууд оролцлоо.