Урилга хүргүүлэх тухай
Үндэсний аудитын газар нь Тавантолгой-Гашуунсухайт, Тавантолгой-Зүүнбаян чиглэлийн төмөр замын бүтээн байгуулалтад зарцуулсан хөрөнгө, үр дүнд хийж буй гүйцэтгэлийн аудитад дараах ажилд шинжээч сонгон шалгаруулж, зөвлөх үйлчилгээний гэрээ байгуулан хамтран ажиллахаар төлөвлөж байгаа тул зөвлөхийн үйлчилгээ үзүүлэх хүсэлтэй хувь хүн/баг/, хуулийн этгээдийг саналаа ирүүлэхийг урьж байна. Үүнд:
|
Тавантолгой-Гашуунсухайт чиглэлийн төмөр замын бүтээн байгуулалтын төсөлд оролцогч буюу хэрэгжүүлэгч, хөрөнгө оруулагч, захиалагчийн гэрээний хэрэгжилт, талуудын төсөлд зарцуулсан хөрөнгө, тэдгээрийн зарцуулалт, үр нөлөөг нягтлан шалгаж, төслийг хэрэгжүүлсэн эрх зүйн орчин, ажил гүйцэтгэх (EPC) болон санхүүжүүлэх гэрээ, бусад дагалдан гарсан шийдвэр, гэрээ, хэлцэл, тэдгээрт оруулсан нэмэлт өөрчлөлтүүдийг судлан Монгол Улсын хууль тогтоомж, бусад эрх зүйн баримт бичигт нийцэж буй эсэхэд мэргэжлийн дүгнэлт гаргах Ажлын даалгаврыг эндээс үзэх ҮАГ-АД/2023-26(01) |
Тавантолгой-Зүүнбаян чиглэлийн төмөр замын бүтээн байгуулалтын төсөлд оролцогч буюу хэрэгжүүлэгч, хөрөнгө оруулагч, захиалагчийн гэрээний хэрэгжилт, талуудын төсөлд зарцуулсан хөрөнгө, тэдгээрийн зарцуулалт, үр нөлөөг нягтлан шалгаж, төслийг хэрэгжүүлсэн эрх зүйн орчин, ажил гүйцэтгэх болон санхүүжүүлэх гэрээ, бусад дагалдан гарсан шийдвэр, гэрээ, хэлцэл, тэдгээрт оруулсан нэмэлт өөрчлөлтүүдийг судлан Монгол Улсын хууль тогтоомж, бусад эрх зүйн баримт бичигт нийцэж буй эсэхэд мэргэжлийн дүгнэлт гаргах Ажлын даалгаврыг эндээс үзэх ҮАГ-АД/2023-26(02) |
Шинжээч нь аудитын тайлагналын үе шатанд ажлын даалгаварт тусгасан асуудлаар аудитын багт мэргэжил, арга зүйн туслалцааг үзүүлж хамтран ажиллах бөгөөд тус зөвлөх үйлчилгээг 2023 оны 08 дугаар сарын 10-ны өдрийн дотор гүйцэтгэх үүрэгтэй.
Ажлын даалгаварт тусгагдсан ажиллах хүчний шаардлага хангахуйц шинжээч нь холбогдох ажилбаруудад Аудитын олон улсын стандарт, гүйцэтгэлийн аудитын гарын авлага, журам, Монгол Улсад хүчин төгөлдөр мөрдөгдөж буй хууль, тогтоомжид нийцүүлэн үндэслэл бүхий дүгнэлт, зөвлөмж боловсруулах бөгөөд төмөр замын төслийн хүрээнд хийгдсэн бүхий л гэрээ хэлцэл, хөрөнгө оруулалт, санхүүжилт, зээл, хөрөнгийн төвлөрүүлэлт, ашиглалт, удирдлага, дэд бүтэц, бүтээн байгуулалт, худалдан авах үйл ажиллагаа нь арвилан хэмнэлт, үр ашиг, үр нөлөөтэй байж улс, үндэсний эрх ашигт нийцсэн зорилго, зорилтыг дэмжих, хууль тогтоомжийн дагуу явагдаж байгаа эсэх нь нотолгоонд суурилж үнэлэгдэнэ.
Аудитын үр дүнд тулгуурлан дээрх 2 төмөр замын бүтээн байгуулалтын төсөлд оруулсан хөрөнгө оруулалт, санхүүжилтийн зарцуулалт, түүний үр нөлөөний талаарх дүнг бодитой үнэлж, аудитын дүгнэлт, тайлан гарган холбогдох байгууллага, олон нийтэд үнэн зөв мэдээлж, зөвлөмж дүгнэлт гаргана.
Саналаа ирүүлж буй хувь хүн/баг/, хуулийн этгээд нь дээрх зөвлөх үйлчилгээг гүйцэтгэхээ илэрхийлсэн албан хүсэлт болон дараах мэдээллийг ирүүлнэ.
Үүнд: Хуулийн этгээд бол:
– Улсын бүртгэлийн гэрчилгээний хуулбар;
– Татварын өргүй тухай тодорхойлолт /цахимаас татан авсан/;
– Нийгмийн даатгалын шимтгэлийн өргүй тодорхойлолт /цахимаас татан авсан/;
– Шүүхийн төрөлжсөн архивын тодорхойлолт;
– Гүйцэтгэсэн ижил төстэй зөвлөх үйлчилгээний мэдээлэл сүүлийн 3 жилээр /2020,2021,2022 он/;
– Ажилтны анкет, боловсрол, мэргэшлийн гэрчилгээний хуулбар;
– Ажилтны нийгмийн даатгалын цахим лавлагаа /сүүлийн 1 жилээр/;
– Сүүлийн 2 жилийн санхүүгийн тайлан, аудитын дүгнэлтийн хамт /2021, 2022 он/
Хувь хүн/баг бол:
– Иргэний үнэмлэхийн хуулбар;
– Анкет /СV/;
– Боловсрол, мэргэшлийн гэрчилгээний хуулбар;
– Гүйцэтгэсэн ижил төстэй зөвлөх үйлчилгээний мэдээлэл /сүүлийн 3 жилээр/ 2020, 2021, 2022 он/;
– Шүүхийн шийдвэрээр бусдад төлбөртэй эсэх тодорхойлолтыг е-mongolia цахим сайтаас авч саналд хавсарган ирүүлэх /гишүүн тус бүр/
– Багаар ажиллах бол хамтран ажиллах гэрээ байгуулан нотариатаар баталгаажуулан ирүүлэх:
Хавсралт маягтыг эндээс татаж авна уу.
Сонирхсон этгээд нь мэдээллээ 2023 оны 07 дугаар сарын 18-ны өдрийн 12 цаг 00 минутаас өмнө /tsend-ayushn@audit.gov.mn, info@audit.gov.mn/ цахим хаягаар pdf файл хэлбэрээр ирүүлнэ үү. Хариуцсан ажилтан: Үндэсний аудитын газрын Захиргаа, хууль, эрх зүйн газрын худалдан авах үйл ажиллагаа хариуцсан шинжээч Н.Цэнд-Аюуш. Холбоо барих утасны дугаар: 88051068
Захиалагчийн хаяг: 15160 Улаанбаатар хот, Чингэлтэй дүүрэг, Бага тойруу-3,
Засгийн газрын IV байр, 305 тоот өрөө. Үндэсний Аудитын газар. Утас: 51-261745. www.audit.mn
