Дорнод аймаг дахь Төрийн аудитын газраас Монгол Улсын Ерөнхий аудиторын 2023 оны А/03 дугаар тушаалаар батлагдсан Төрийн аудитын байгууллагын 2023 оны гүйцэтгэлийн төлөвлөгөөнд тусгагдсан “Хөдөө аж ахуйн салбарын зээл тусламжийн хөрөнгийн ашиглалт, үр өгөөж” сэдэвт гүйцэтгэлийн аудитын хэлэлцүүлгийг хийлээ.
Аудитаар нийт 793.4 сая төгрөгийн зөрчилтэй асуудал илэрсэнд холбогдох байгууллага албан тушаалтанд 6.0 сая төгрөгийн төлбөрийн акт 1, хариуцлага тооцуулах албан шаардлага 1, зөрчил арилгуулах 787.4 сая төгрөгийн албан шаардлага 7, зөвлөмж 2 өгсөн. Мөн нэгдсэн тайланд тусгуулах 2 саналыг боловсруулсан.
Аудитын хэлэлцүүлэгт аймгийн Засаг даргын орлогч, Хүнс, хөдөө аж ахуйн газрын дарга, Зах зээл бэлчээрийн удирдлагын хөгжлийн төслийн ажилтан, ЗДТГ-ын Хөгжлийн бодлого төлөвлөлтийн хэлтсийн мэргэжилтнүүд оролцлоо.
