Төрийн аудитын тухай хуулийн 11 дүгээр зүйлийн 11.1, 11.5 дахь зүйлийг үндэслэн мөн хуулийн 6 дугаар зүйлийн 6.3.1-д заасан Төрийн аудитын байгууллагын бүрэн эрхийн хүрээнд Улсын Их Хурлын Төсвийн байнгын хорооны 2022 оны 09 дүгээр тогтоолын дагуу “Төрөөс нийгмийн халамжийн талаар баримталж буй бодлого, стратегийн арга хэмжээний төлөвлөлт, үр нөлөө” сэдэвт гүйцэтгэлийн аудит хийж эхлээд байна.
Аудитын нээлтийн уулзалтаар Үндэсний аудитын газрын Гүйцэтгэл-нийцлийн аудитын газрын захирал, тэргүүлэх аудитор Д.Энхболд аудит гүйцэтгэх багийн бүрэлдэхүүн болон аудитын төлөвлөгөөг танилцуулсан.
Энэхүү уулзалтын үеэр Монгол Улсын Ерөнхий аудиторын А/67 дугаар тушаалаар нэмэлт өөрчлөлт оруулсан “Төрийн аудитын байгууллагын 2023 онд хийх аудитын төлөвлөгөө”-г үндэслэн “Хүүхдийн зуслангийн хувьчлал, хууль тогтоомжийн нийцэл” сэдвээр нийцлийн аудитын нээлтийг хийж, аудит гүйцэтгэх багийн бүрэлдэхүүн, аудитын төлөвлөгөөг танилцууллаа.
Хөдөлмөр, нийгмийн хамгааллын яамны халамжийн бодлогын хэрэгжилтийг зохицуулах газрын дарга Б.Ундрал, тус яамны Хүүхэд, залуучуудын хөгжлийн хэлтсийн дарга М.Цогтбаатар, Хөдөлмөр халамжийн үйлчилгээний ерөнхий газрын дарга Т.Бадрахбаяр болон холбогдох бусад албан тушаалтнууд аудитын нээлтийн уулзалтад оролцов.
“Төрөөс нийгмийн халамжийн талаар баримталж буй бодлого, стратегийн арга хэмжээний төлөвлөлт, үр нөлөө” сэдэвт гүйцэтгэлийн аудитаар нийгмийн халамжийн үйлчилгээ үзүүлж байгаа Төрийн захиргааны төв болон харьяа байгууллагууд, Үндэсний статистикийн хороо, Татварын ерөнхий газар болон бусад холбогдох байгууллагуудыг хамруулж, нийгмийн халамжийн чиглэлээр 2018-2022 онд хэрэгжүүлсэн арга хэмжээнд түүвэрлэн дүн шинжилгээ, судалгаа хийж аудитыг гүйцэтгэнэ.
“Хүүхдийн зуслангийн хувьчлал, хууль тогтоомжийн нийцэл” сэдэвт нийцлийн аудитын хүрээнд Монгол Улсын Засгийн газар, ХНХЯ болон аймаг, нийслэл, дүүргүүдийн Засаг дарга, тэдгээрийн харьяа хүүхдийн зуслангийн хувьчлалын асуудалд хамаарах төрийн байгууллага, албан тушаалтны 1991-2023 он хүртэлх үйл ажиллагааг хамруулан холбогдох шийдвэр, хэрэгжилтэд дүн шинжилгээ хийн аудитыг гүйцэтгэхээр төлөвлөжээ.
Дээр дурдсан гүйцэтгэлийн болон нийцлийн аудитыг 2023 оны 12 дугаар сард гүйцэтгэж дуусган дүгнэлт, зөвлөмж боловсруулан Улсын Их хурал болон холбогдох байгууллага, албан тушаалтанд танилцуулах юм.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
