Үндэсний аудитын газар нь Төсвийн тухай хуулийн 8 дугаар зүйлийн 8.9.1, 8.9.8, Төрийн аудитын тухай хуулийн 8 дугаар зүйлийн 8.4, 8.7 дахь хэсэгт заасныг тус тус үндэслэн “Шалгагдагч байгууллагын 2023 оны 12 дугаар сарын 31-ний өдрөөр дуусвар болсон санхүүгийн тайлан, төсвийн гүйцэтгэлд аудит хийх аудитын хуулийн этгээдийг сонгон шалгаруулах” үйл ажиллагааг хэрэгжүүлж байгаа тул сонгон шалгаруулалтад оролцох хүсэлтэй аудитын үйлчилгээ үзүүлэх эрх бүхий хуулийн этгээдийг саналаа ирүүлэхийг урьж байна.
Энэхүү сонгон шалгаруулах үйл ажиллагаа нь Төрийн аудитын байгууллагатай гэрээний үндсэн дээр хамтран ажиллах нийт 69 багцад хамаарна. Үүнд:
Сонгон шалгаруулалтад оролцох аудитын хуулийн этгээд нь эрх бүхий эсэхийг илэрхийлсэн дараах материалыг бүрдүүлэн ирүүлэх шаардлагатай. Үүнд:
- Албан хүсэлт (багцыг тодорхойлсон);
- Улсын бүртгэлийн гэрчилгээний хуулбар;
- Тусгай зөвшөөрлийн гэрчилгээний хуулбар;
- Татварын өр төлбөргүй тухай тодорхойлолт (цахим);
- Нийгмийн даатгалын шимтгэлийн өр төлбөргүй тухай тодорхойлолт (цахим);
- ШШГЕГ-ын шүүхийн шийдвэрээр өртэй эсэх тодорхойлолт (цахим);
- Шүүхийн төрөлжсөн архивын тодорхойлолт (цахим);
- Монголын мэргэшсэн нягтлан бодогчдын институтээс авсан мэргэжлийн ёс зүйн зөрчилгүй тухай тодорхойлолт;
- Үндсэн ажилтны нийгмийн даатгалын тодорхойлолт (сүүлийн 1 жил);
- Хуулийн этгээдийн санхүүгийн тайлан (сүүлийн 2 жил).
Мөн дээрх материалаас гадна захиалагчаас хүргүүлж буй “Саналын урилгын баримт бичиг”-т заасан холбогдох маягтаар иж бүрдлийг хангаж саналаа ирүүлнэ үү. Саналын урилгын баримт бичгийг эндээс үзэх боломжтой.
Сонирхсон этгээд сонгон шалгаруулалтын талаарх нэмэлт мэдээллийг 2023 оны 10 дугаар 12-ны өдрийн 17:00 цагаас өмнө авч болох бөгөөд саналаа info@audit.gov.mn цахим хаягаар болон дор дурдсан цахим хаягт 2023 оны 10 дугаар сарын 12-ны өдрийн 17:30 цагийн дотор нягтруулсан pdf файл хэлбэрээр /нэг файл нь 25 мегабайтаас ихгүй хэмжээтэй байх/ ирүүлнэ үү. Үүнд:
- Үндэсний аудитын газартай хамтран ажиллах саналыг Тsend-ayushn@audit.gov.mn
- Орон нутаг дахь Төрийн аудитын газартай хамтран ажиллах саналыг munkhtuyats@audit.gov.mn
Захиалагчийн хаяг: 15160 Улаанбаатар хот, Чингэлтэй дүүрэг, Бага тойруу-3, Засгийн газрын IV байр, 305 тоот өрөө. Утас: 51-261745. www.audit.mn
Холбоо барих ажилтан: Үндэсний аудитын газрын Захиргаа, хууль, эрх зүйн газрын Худалдан авах үйл ажиллагаа хариуцсан шинжээч Н.Цэнд-Аюуш, утас- 88051068
ЖИЧ: Үндэсний аудитын газар болон орон нутаг дахь Төрийн аудитын газрын ажлын багцад тус бүр 1-ээс илүү санал ирүүлэх боломжгүй болохыг анхаарна уу.
Мөн энэхүү саналын урилга нь Төрийн аудитын байгууллагатай санхүүгийн тайлан, төсвийн гүйцэтгэлд аудит хийх гэрээ байгуулах эрх авсан аудитын хуулийн этгээдэд хамааралгүй болно.
ҮНДЭСНИЙ АУДИТЫН ГАЗАР
2023 оны 10 дугаар сарын 05-ны өдөр
