Үндэсний аудитын газар “И-Монгол академи” улсын төсөвт үйлдвэрийн газар хооронд хамтран ажиллах санамж бичгийг 2023 оны 12 дугаар сарын 18-ны өдөр байгуулан Монгол Улсын Ерөнхий аудитор Д.Занданбат, “И-Монгол академи” УТҮГ-ын захирал Б.Мягмарнаран нар батламжлан, гарын үсэг зурлаа.
Монгол Улсын Ерөнхий аудитор Д.Занданбатын санаачлан хэрэгжүүлж буй төрийн аудитын үйл ажиллагаанд цахим шилжилтийг нэвтрүүлэх бодлогын хүрээнд салбар дундын бодлого, үйл ажиллагааг уялдуулах чиглэлээр хамтран ажиллах, сургалт, зөвлөх үйлчилгээ үзүүлэх, мөн төрийн цахим үйлчилгээний нэгдсэн систем “e-Mongolia”-аар дамжуулан Төрийн аудитын байгууллагын гүйцэтгэх аудитын сэдвийн саналыг цуглуулах, аудитын үйл ажиллагааны мэдээллүүдийг иргэдэд түгээх чиглэлээр талууд хамтран ажиллах юм.
Хамтран ажиллах санамж бичигт гарын үсэг зурах ёслолын арга хэмжээнд Үндэсний аудитын газраас Монгол Улсын Ерөнхий аудиторын Орлогчийн албан үүргийг түр орлон гүйцэтгэгч Ц.Наранчимэг, Хөгжлийн бодлого, төлөвлөлтийн газрын захирал, тэргүүлэх аудитор Б.Бундхорол, Мэдээллийн технологийн төвийн захирал А.Уянга-Эрдэнэ, “И-Монгол академи” УТҮГ-аас Салбар дундын зохицуулалтын газрын дарга Х.Энхманлай, Төслийн менежер Д.Батчимэг нар оролцлоо.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
