Монгол Улсын Ерөнхий аудиторын албан үүргийг түр орлон гүйцэтгэгч Д.Загджав Төрийн аудитын байгууллагын албан хаагчидтай 2024 оны нэгдүгээр сарын 03-ны өдөр албан уулзалт хийлээ. Тэрбээр, Үндэсний аудитын газрын зохион байгуулалтын бүтцийн нэгжүүдийн албан хаагчидтай биечлэн уулзсан бол Аймаг, нийслэл дэх Төрийн аудитын газрын дарга, тэргүүлэх аудиторууд, менежерүүдтэй цахим уулзалт хийсэн юм.
Уулзалтаар Монгол Улсын Ерөнхий аудиторын албан үүргийг түр орлон гүйцэтгэгч Д.Загджав Төрийн аудитын байгууллагын 2024 оны зорилт болон энэ онд хийхээр төлөвлөсөн аудитуудын талаар онцлон дурдаж, холбогдох үүрэг чиглэл өгөв.
Төрийн аудитын байгууллага 2024 оныг “Аудитын шийдвэрийн хэрэгжилтийг хангахад харилцагч талуудын оролцоог сайжруулах” жил болгон зарлаж, бодлого чиглэлээ тодорхойлон ажиллаж байгаа тул Төрийн аудитын байгууллагын албан хаагчдын үүрэг оролцоо нэн чухал хэмээн онцлон дурдлаа.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
