Төсвийн тухай хууль, Төрийн аудитын тухай хуульд заасан чиг үүргийн хүрээнд Төрийн аудитын байгууллага санхүүгийн тайлангийн аудит хийж гүйцэтгэхдээ Төрийн хэмнэлтийн тухай хуулийн хэрэгжилтийг хамт шалгаж байгаа. Үүний хүрээнд Үндэсний аудитын газраас “Төрийн хэмнэлтийн тухай хууль, түүний нэмэлт өөрчлөлт” сэдвээр танхим болон цахим хосолсон сургалт зохион байгууллаа.
Сургалтыг Санхүү-нийцлийн аудитын газрын дарга, тэргүүлэх аудитор Ц.Наранчимэг нээж, “Төрийн хэмнэлтийн тухай хууль, түүний нэмэлт өөрчлөлт” сэдвээр Засгийн газрын хэрэг эрхлэх газрын дэд дарга бөгөөд Засгийн газрын Хяналт хэрэгжүүлэх газрын дарга Б.Баасандорж мэдээлэл өгсөн бол Сангийн яамны Төсвийн бодлого төлөвлөлтийн газрын дарга М.Санжаадорж санхүүгийн тайлангийн аудитын явцад анхаарах асуудлын талаар шаардлагатай мэдээлэл өгч, асуултад хариулт өгч оролцсон юм.
Үндэсний аудитын газрын Санхүү-нийцлийн аудитын газрын аудиторууд танхимаар оролцож, аймаг, нийслэл дэх Төрийн аудитын газрын аудиторууд цахимаар холбогдож, Төрийн хэмнэлтийн тухай хууль, түүний нэмэлт өөрчлөлттэй холбогдуулан санхүүгийн тайлангийн аудитын явцад ямар асуудалд анхаарч ажиллах талаараа ярилцлаа.
