Төрийн аудитын байгууллагаас 2023 оны санхүүгийн тайлангийн аудитын төлөвлөлтийн үе шатны ажлыг хийж байгаатай холбогдуулан цуврал сургалтууд зохион байгуулж байна. Тус сургалтын хүрээнд 2024.01.11-ний өдөр “Сонсох ажиллагаа болон захиргааны акт” сэдвээр танхим болон цахим хосолсон сургалт зохион байгууллаа.
Шүүхийн сургалт, судалгаа, мэдээллийн хүрээлэнгийн Шүүхийн судалгааны төвийн дарга, Хууль зүйн доктор (Ph.D) Б.Дөлгөөн танилцуулга хийж, аудитад шалгагдагч этгээдэд төлбөрийн акт тогтоох, албан шаардлага өгөх, сонсох ажиллагаа, захиргааны акт гаргах ажиллагаанд анхаарах асуудлын талаар мэдээлэл хүргэсэн юм.
Сургалтад Үндэсний аудитын газрын Санхүү-нийцлийн аудитын газрын аудиторууд танхимаар Аймаг, нийслэл дэх Төрийн аудитын газрын албан хаагчид цахимаар оролцлоо.
Төрийн аудитын тухай хуулиас гадна аудитын үе шатанд түгээмэл ашиглагддаг хуулиудын нэг болох Захиргааны ерөнхий хуулийг хэрэглэхдээ юуг анхаарах болон аудитын явцад тохиолддог бодит жишээнд тулгуурлан асуулт хариулт өрнүүллээ.
