Төрийн аудитын тухай хуулиар Төрийн аудитын байгууллага санхүүгийн тайлангийн аудит хийх чиг үүргийг аудитын хуулийн этгээдээр гүйцэтгүүлэх талаар заасан байдаг. Аудитын хуулийн этгээд нь санхүүгийн тайлангийн аудит хийхдээ Төрийн аудитын байгууллагаас баталсан дүрэм, журам, стандартыг мөрдөж, гүйцэтгэлд нь Төрийн аудитын байгууллага хяналт тавьж ажилладаг.
Төрийн аудитын байгууллагатай 2023 оны санхүүгийн тайлангийн аудит гүйцэтгэх гэрээ байгуулсан аудитын хуулийн этгээдүүдтэй “Аудитын хуулийн этгээдүүдийн гүйцэтгэх санхүүгийн аудитад анхаарах асуудал” сэдэвт уулзалтыг 2024.01.12-ны өдөр зохион байгууллаа.
Уулзалтыг нээж, Санхүү-нийцлийн аудитын газрын захирал, тэргүүлэх аудитор Ц.Наранчимэг үг хэлэхдээ санхүүгийн тайлангийн аудит гүйцэтгэхэд анхаарах цөөнгүй асуудал байгаа тул аудитын хуулийн этгээдийн захирлуудыг танхимаар, менежерүүдийг цахимаар энэ уулзалтад оролцуулж, заавар, аргачлалаа нарийвчлан танилцуулж байна хэмээн онцоллоо.
Хөгжлийн бодлого, төлөвлөлтийн газрын сургалтын асуудал хариуцсан менежер М.Цэцэгмаа “Аудитын хуулийн этгээдийн аудиторуудыг чадавхжуулахад Төрийн аудитын байгууллагаас зохион байгуулах цахим сургалт”-ын талаар, Аудитын нэгдсэн удирдлага, зохицуулалт газрын аудитын удирдлагын менежер Л.Мөнхцацрал “Төрийн аудитын байгууллагаас 2023 оны санхүүгийн тайлангийн аудитад баримтлах ерөнхий чиглэл”-ийн талаар тус тус танилцуулга мэдээлэл өгсөн юм. Мөн Санхүү-нийцлийн аудитын газрын аудитын менежер Ц.Хосжаргал аудитын төлөвлөгөө болон тайлангийн загвар, түүнд анхаарах шаардлагатай асуудлын талаар дэлгэрэнгүй танилцууллаа.
Энэхүү уулзалтад Төрийн аудитын байгууллагатай хамтран ажиллах гэрээ байгуулсан нийт 53 хуулийн этгээдийн захирал, менежерүүд, Аймаг, нийслэл дэх Төрийн аудитын газрын менежерүүд мөн цахимаар оролцов.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
