Монгол Улсын Их Хурлын ээлжит сонгуульд оролцох улс төрийн нам, эвсэл болон бие даан нэр дэвшигчийн сонгуулийн мөрийн хөтөлбөрт орсон зорилт, арга хэмжээ нь Монгол Улсын Их хурлын Сонгуулийн тухай хууль болон Монгол Улсын хөгжлийн үзэл баримтлалд нийцсэн эсэх, санхүүгийн тодорхой эх үүсвэр шаардсан арга хэмжээг хэрэгжүүлэхэд шаардагдах зардлын дүн нь Төсвийн тогтвортой байдлын тухай хуульд заасан төсвийн тусгай шаардлагад нийцэж байгаа эсэх талаар дүгнэлт гаргах аудитыг гүйцэтгэхээр Үндэсний аудитын газар ажлын хэсэг байгуулан ажиллаж байна.
Тус аудитыг Төрийн аудитын тухай хуулийн 29 дүгээр зүйлийн 29.1.3, 29.1.8, Монгол Улсын Их Хурлын Сонгуулийн тухай хуулийн 10 дугаар зүйлийн 38 дугаар зүйлийн 38.5, 38.13, 58 дугаар зүйлийн 58.3, Улсын Их Хурлын Төсвийн байнгын хорооны 2023 оны 08 дугаар тогтоол, Монгол Улсын Ерөнхий аудиторын 2024 оны А/08 тушаалыг тус тус үндэслэн гүйцэтгэх юм.
Монгол Улсын Их Хурлын Сонгуулийн тухай хууль, түүний нэмэлт өөрчлөлт, онцлогийн талаар аудитыг гүйцэтгэх ажлын хэсгийн бүрэлдэхүүнд зориулан Сонгуулийн ерөнхий хорооны Мэдээлэл, судалгаа, сургалтын төвийн референт Б.Нямсүрэн танилцуулга мэдээлэл хийж, Сонгуулийн ерөнхий хорооны Тамгын дарга Б.Бат-Эрдэнэ сонирхсон асуултад хариулт өглөө.
Монгол Улсын Их Хурлын 2024 оны ээлжит сонгуулийн үйл ажиллагааг зохион байгуулах хуваарийн дагуу 2024 оны 03 дугаар сарын 22-оос 24-ний өдрүүдэд нам, эвсэл, 2024 оны 04 дүгээр сарын 22-оос 24-ний өдрүүдэд бие даан нэр дэвшигчид сонгуулийн мөрийн хөтөлбөрт дүгнэлт гаргуулахаар Төрийн аудитын байгууллагад хүргүүлэхийг тусгасан. Төрийн аудитын байгууллага хуульд заасны дагуу нам эвслийн мөрийн хөтөлбөр, хандивын тайланд хийсэн аудитын дүгнэлтийг сонгуулийн санал авах өдрөөс 60-аас доошгүй хоногийн өмнө, бие даан нэр дэвшигчийн мөрийн хөтөлбөр, хандивын тайланд хийсэн аудитын дүгнэлтийг санал авах өдрөөс 33-аас доошгүй хоногийн өмнө Сонгуулийн ерөнхий хороонд хүргүүлнэ.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
