Үндэсний аудитын газраас зохион байгуулж байгаа “Нэгдсэн сургалт-2024” арга хэмжээг Говьсүмбэр аймаг дахь Төрийн аудитын газарт 2024 оны 2 дугаар сарын 28-ны өдөр зохион байгууллаа.
Төрийн аудитын байгууллагын албан хаагчдын мэдлэг, чадвар, хандлагыг дээшлүүлэх, аудитын үйл ажиллагаанд тулгарч буй сорилт бэрхшээлийг даван туулахад бодлого, чиглэлээр ханган дэмжлэг үзүүлэх зорилгоор “Нэгдсэн сургалт-2024”-ыг зохион байгуулж байгаа юм.
Үндэсний аудитын газрын Хөгжлийн бодлого, төлөвлөлтийн газрын захирал, тэргүүлэх аудитор Б.Бундхорол “Төрийн аудитын байгууллагын хөгжлийн чиг хандлага, бодлогын хэрэгжилт, үр дүн” сэдвээр, Гүйцэтгэл-нийцлийн аудитын газрын захирал, тэргүүлэх аудитор Д.Энхболд “Гүйцэтгэлийн аудит хийхэд анхаарах асуудал, аудитын баримтжуулалт, олон улсын туршлага, бодлогын хэрэгжилтэд аудит хийхэд баримтлах зарчим” сэдвээр, Чанарын баталгаажуулалтын газрын дарга, тэргүүлэх аудитор Ж.Батсайхан “Төрийн аудитын байгууллагын чанарын удирдлагын тогтолцоо, түүний хөгжил төлөвшил, цаашдын чиг хандлага” сэдвээр тус тус илтгэл танилцуулав.
Мөн Хөгжлийн бодлого, төлөвлөлтийн газрын аудитын арга зүй хариуцсан менежерүүд ИНТОСАИ, Аудитын дээд байгууллагуудын орчин үеийн хөгжлийн чиг хандлага, Сонгуулийн тухай хууль, тогтоомж, Зөвлөмж боловсруулах аргачлал, Харилцагч талуудад зориулсан хураангуй тайлан бэлтгэх аргачлал, Хураангуй тайлан бэлтгэх аргачлал зэрэг сэдвийн хүрээнд арга зүйн дэмжлэг үзүүлж, сургалтад оролцогчдын сонирхсон асуултад хариуллаа.
