Төрийн аудитын байгууллагын 2024 оны нэгдсэн сургалтын төлөвлөгөөний дагуу “Нэгдсэн сургалт-2024” бүсчилсэн сургалтыг Говьсүмбэр аймаг дахь Төрийн аудитын газарт 2024.02.28-ны өдөр зохион байгууллаа.
Нэгдсэн сургалтыг нээж Үндэсний аудитын газрын Хөгжлийн бодлого, төлөвлөлтийн газрын захирал, тэргүүлэх аудитор Б.Бундхорол үг хэлж, сургалт зохион байгуулах бүрэлдэхүүн болон сургалтын хөтөлбөрийг танилцууллаа.
Бүсчилсэн сургалтыг орон нутаг дахь Төрийн аудитын байгууллагын албан хаагчдын мэдлэг, чадвар, хандлагыг дээшлүүлэх, аудитын үйл ажиллагаанд тулгарч буй сорилт бэрхшээлийг даван туулахад бодлого, чиглэлээр ханган дэмжлэг үзүүлэх, албан хаагчдыг сургах, зөвлөн туслах чиглэлээр зохион байгууллаа.
Нэгдсэн сургалтын хөтөлбөрийн дагуу сургалтад Говьсүмбэр аймаг дахь Төрийн аудитын газрын албан хаагчид бүрэн хамрагдаж, сертификат гардан авлаа.
