Төрийн аудитын байгууллагаас 2024 онд “Аудитын шийдвэрийн хэрэгжилтийг хангахад харилцагч талуудын оролцоог сайжруулах” зорилтыг дэвшүүлж, дэвшүүлсэн зорилтын хэрэгжилтийг хангахад Төрийн аудитын байгууллагын үйл ажиллагаанд харилцагч талуудын үр ашигтай хамтын ажиллагааг дэмжиж, Төрийн аудитын байгууллагын нийгэмд үзүүлэх үр өгөөжийг дээшлүүлэх арга хэмжээний хүрээнд 2024.02.29-ний өдөр төсвийн захирагч, санхүүгийн ажилтнуудтай уулзалт, хэлэлцүүлэг хийлээ. Уулзалт хэлэлцүүлэгт 76 байгууллагын 125 албан хаагчид оролцож, тэдний сонирхсон асуултад хариулт өгч, санал хүсэлтийг сонсож ажиллалаа.
Мөн Төрийн аудитын байгууллагын үйл ажиллагааг иргэд, олон нийтэд таниулах, ойлгуулах, аудитын үйл ажиллагаанд иргэдийг оролцоог нэмэгдүүлэх зорилгоор “ТӨРИЙН АУДИТ-ИРГЭДИЙН АМЬДРАЛД” уулзалт хэлэлцүүлгийг зохион байгуулж, иргэдэд мэдээлэл хүргэж, иргэдийн сонирхсон асуултад хариулт өгч, санал хүсэлтийг сонсож ажиллалаа.
Уулзалт, хэлэлцүүлгийн үеэр төсвийн захирагч, санхүүгийн ажилтнуудад “Төрийн аудитын байгууллага-харилцагч талын хамтын ажиллагаа”, “Төрийн аудитыг гүйцэтгэхэд шалгагдагч байгууллагын оролцоо-аудитын шийдвэр гаргалт, тулгамдсан асуудал” сэдвээр, иргэдэд “Төрийн аудитын байгууллагын хөгжлийн чиг хандлага”, “Төрийн аудитын байгууллагын үйл ажиллагаанд иргэдийн оролцоог хангах стратегийн хэрэгжилт, үр дүн” сэдвээр Үндэсний аудитын газрын Хөгжлийн бодлого,төлөвлөлтийн газрын захирал, тэргүүлэх аудитор Б.Бундхорол, Чанарын баталгаажуулалтын газрын дарга, тэргүүлэх аудитор Ж.Батсайхан нар танилцуулга хийж, мэдээлэл өгч ажиллалаа.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
