Монгол Улсын Их Хурлын 2024 оны ээлжит сонгуульд оролцох бие даан нэр дэвшигчийн мөрийн хөтөлбөрт дүгнэлт гаргуулахаар Үндэсний аудитын газарт хүргүүлэх цаг хугацааны хуваарийг танилцуулж байна.
Бие даан нэр дэвшигч 2024 оны 4 дүгээр сарын 22-ны Даваа гараг, 23-ны Мягмар гараг, 24-ний Лхагва гарагт мөрийн хөтөлбөртөө дүгнэлт гаргуулахаар Үндэсний аудитын газарт ирүүлнэ.
Хэрэв хуулийн шаардлага хангаагүй дүгнэлт гарах тохиолдолд 2024 оны 5 дугаар сарын 7-ны өдрийн дотор тухайн бие даан нэр дэвшигчид мэдэгдэнэ. 2024 оны 5 дугаар сарын 8-наас 14-ний өдрүүдэд алдаа зөрчлийг засаж, Үндэсний аудитын газарт ирүүлэх юм.
УИХ-ын 2024 оны ээлжит сонгуульд бие даан нэр дэвшигчийн мөрийн хөтөлбөрт гаргасан аудитын дүгнэлтийг нэгтгэн 2024 оны 5 дугаар сарын 24-ний өдөр Сонгуулийн ерөнхий хороонд хүргүүлэхээр хуваарь гаргалаа.
