Төрийн аудитын тухай хуулийн 6 дугаар зүйлийн 6.3.1-д заасан Төрийн аудитын байгууллагын бүрэн эрхийн хүрээнд “Орон нутгийн хөгжлийн сангийн 2023 оны бүрдүүлэлт, зарцуулалт, үр дүн, үр нөлөө” гүйцэтгэлийн аудитын нээлтийг 2024 оны 05 дугаар сарын 24-ний өдөр зохион байгууллаа.
Аудитын нээлтэд Орхон аймгийн Засаг даргын орлогч, аймгийн иргэдийн Төлөөлөгчдийн Хурлын 2 төлөөлөгч, нарийн бичгийн дарга, Хөгжлийн бодлого төлөвлөлт, хөрөнгө оруулалтын хэлтсийн дарга, мэргэжилтэн, Санхүү, төрийн сангийн хэлтсийн дарга, мэргэжилтэн, Орон нутгийн өмчийн газрын дарга, Хот, байгуулалт, барилга захиалагчийн алба ОНӨААТҮГ-ын дарга, ерөнхий инженер, Баян-Өндөр, Жаргалант сумын ЗДТГ-ын дарга, мэргэжилтэн болон Орхон аймаг дахь Төрийн аудитын газрын дарга, аудитын менежер, аудитын багийн гишүүд оролцлоо.
Аудитыг нээж Орхон аймаг дахь Төрийн аудитын газрын дарга, тэргүүлэх аудитор Ц.Нармандах аудитын зорилго зорилт, хамрах хүрээ, багийн бүрэлдэхүүн болон анхаарах асуудлын талаар мэдээлэл хийж, оролцогчид санал солилцов.
Тус аудитаар орон нутгийн хөгжлийн сангийн хөрөнгийг хууль журмын дагуу төлөвлөж бүрдүүлсэн эсэх, төсөл арга хэмжээний үр дүн, үр нөлөөт байдал, эрх бүхий байгууллагаас тус сангийн хөрөнгийн зарцуулалтыг хууль журмын дагуу хянаж, ил тод нээлттэй тайлагнасан зэрэг асуудлыг хамруулахаар төлөвлөөд байна.
Аудитыг 2024 оны 07 дугаар сарын 05-ны өдөр эцэслэн дуусгах тул Орон нутгийн хөгжлийн сангийн 2023 оны хөрөнгө оруулалттай холбоотой санал хүсэлтийг Орхон аймаг дахь Төрийн аудитын газарт ирүүлэх боломжтой юм.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
