Төрийн аудитын тухай хуулийн 6 дугаар зүйлд заасан бүрэн эрх, Монгол Улсын Ерөнхий аудиторын 2023 оны А/100 дугаар тушаалаар баталсан “Төрийн аудитын байгууллагын 2024 онд гүйцэтгэх аудитын төлөвлөгөө”-ний дагуу Нийслэл дэх Төрийн аудитын газраас “Нийслэлд хэрэгжсэн авто замын гүүр, гүүрэн байгууламж, нүхэн гарцтай холбоотой төсөл арга хэмжээний хэрэгжилт, үр дүн”-д гүйцэтгэлийн аудитыг хийж, тайланг холбогдох байгууллагуудад хүргүүллээ.
Аудитад Нийслэлийн Засаг даргын Тамгын газар, дүүргүүдийн Засаг даргын Тамгын газар, Нийслэлийн Худалдан авах ажиллагааны газар, Нийслэлийн Өмчийн харилцааны газар, Нийслэлийн Замын хөгжлийн газар, Нийслэлийн Хөрөнгө оруулалтын газар ОНӨААТҮГ болон холбогдох бусад байгууллагууд хамрагдсан.
Уг аудитаар улс, нийслэл, дүүргийн төсвийн хөрөнгө оруулалт, гадаадын зээлийн хөрөнгөөр 2016-2023 онуудад хэрэгжүүлсэн гүүр гүүрэн байгууламж, нүхэн гарцтай холбоотой ТАХ-ний төлөвлөлт, худалдан авалт, гүйцэтгэл, санхүүжилтийг хамруулж, аудитын дүнд үндэслэн холбогдох байгууллагуудад нийт 4 зөвлөмж хүргүүлээд байна.
ГҮЙЦЭТГЭЛ-НИЙЦЛИЙН АУДИТЫН ХЭЛТЭС
