Монгол Улсын Их Хурлын 2024 оны 05 дугаар сарын 31-ний өдрийн чуулганы нэгдсэн хуралдаанаар Д.ЗАГДЖАВЫГ Монгол Улсын Ерөнхий аудитораар томиллоо.
МОНГОЛ УЛСЫН ЕРӨНХИЙ АУДИТОР ДЭЛЭГИЙН ЗАГДЖАВЫН ТАНИЛЦУУЛГА
Дэлэгийн Загджав Ховд аймгийн уугуул. Боловсролын хувьд Нийгмийг аюулаас хамгаалах яамны Цэргийн дээд сургууль, Төрийн Захиргааны Удирдлагын Хөгжлийн Институт, Төрийн Удирдлагын академи, Оросын Холбооны Улсын Новосибирск хотын эдийн засгийн удирдлагын Улсын академи, Оросын холбооны улсын Иркутск хотын Зам харилцааны Улсын их сургуулийг тус тус төгссөн. Эрх зүйч, эдийн засагч, инженер мэргэжилтэй. Улс төрийн ухааны доктор зэрэгтэй, ОХУ-ын Батлан хамгаалах, аюулгүй байдал, эрх зүйн академийн профессор цолтой.
Ажлын гараагаа Дорноговь аймгийн Цагдаагийн хэлтэст байцаагчаар эхэлж, Ховд аймгийн Ардын Депутатын Хурлын Гүйцэтгэх Захиргааны дэргэдэх Хууль зүйн арбитрын хэлтэст ахлах мэргэжилтэн, хэлтийн дарга, Ховд аймгийн шүүхийн гишүүн, Алтай интернэйшнл ХХК-д ерөнхий захирал, Монголын ардчилсан социалист оюутны холбооны Ерөнхийлөгч, Нийслэлийн Хан-Уул дүүргийн Засаг дарга, Байгаль орчны яамны Төрийн нарийн бичгийн дарга, Монгол Улсын Их Хурлын гишүүн, Нутгийн удирдлагын дэд хорооны дарга, Монголын Энхтайван Найрамдлын байгууллагын Ерөнхийлөгч, Уул уурхай, хүнд үйлдвэрийн Дэд сайд; Шүүхийн шийдвэр гүйцэтгэх ерөнхий газрын дарга, Монгол Улсын Ерөнхий аудиторын албан үүргийг түр орлон гүйцэтгэгчээр ажиллаж байгаад УИХ-ын чуулганы нэгдсэн хуралдаанаар Монгол Улсын Ерөнхий Аудитораар томилогдлоо.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
