Бүгд Найрамдах Социалист Вьетнам Улсын Ханой хотод зохион байгуулагдсан “Ил тод байдал, төрийн шударга ёс, сайн засаглалыг хангах үүднээс авлигатай тэмцэхэд аудитын дээд байгууллагын үүрэг” олон улсын бага хуралд Монгол Улсын Ерөнхий аудитор Д.Загджав оролцов.
БНСВУ-ын Төрийн аудитын газар байгуулагдсаны 30 жилийн ойн хүрээнд БНСВУ-ын Ерөнхий аудитор ноён Нго Ван Туан, Монгол Улсын Ерөнхий Аудитор Дэлэгийн Загджав нар хоёр улсын аудитын дээд байгууллагууд хооронд байгуулсан Харилцан ойлголцлын санамж бичгийг шинэчлэн байгууллаа.
Харилцан ойлголцлын санамж бичгийг анх 2006 онд байгуулан, хоёр талт харилцаа, хамтын ажиллагааг өргөжүүлэн хөгжүүлсээр ирсэн юм.
Олон улсын бага хуралд оролцогч аудитын дээд байгууллагуудын тэргүүнүүдийг БНСВУ-ын Үндэсний Ассамблейн дарга ноён Тран Тан Ман Үндэсний Ассамблейн ордондоо хүлээн авч уулзав.
