Төрийн аудитын тухай хууль, Монгол Улсын Их Хурлын Төсвийн байнгын хорооны 2022 оны “Аудитын сэдэв батлах тухай” 09 дугаар тогтоол, Монгол Улсын Ерөнхий аудиторын “Аудитын жилийн төлөвлөгөө батлах тухай” 2024 оны А/152 дугаар тушаалын дагуу Улаанбаатар Төмөр зам” Хувь нийлүүлсэн нийгэмлэгийн үйл ажиллагааны үр дүн, нийгэм эдийн засагт үзүүлж буй үр нөлөө, үр ашиг”-т хийх гүйцэтгэлийн аудитын нээлтийг 2024 оны 08 дугаар сарын 12-ны өдөр зохион байгууллаа.
Монгол Улсын Ерөнхий аудитор Д.Загджав аудитын нээлтэд оролцож, аудитын төлөвлөгөө болон анхаарах шаардлагатай асуудлуудыг танилцуулав.
Тус арга хэмжээнд Зам, тээврийн яам, Улаанбаатар төмөр зам ХНН-ийн удирдах албан тушаалтнууд оролцлоо.
Аудитыг Монгол Улсын Үндэсний аудитын газар болон Оросын Холбооны Улсын Тооцооны танхимын аудитын баг хамтран гүйцэтгэх юм.
Гүйцэтгэлийн аудитаар Улаанбаатар төмөр зам ХНН нь Зөвлөлт Холбоот Улс, БНМАУ-ын Засгийн газар хоорондын 1949 оны хэлэлцээр, түүнд оруулсан өөрчлөлтийг бүрэн хэрэгжүүлсэн эсэх, Нийгэмлэгийн үйлдвэрлэлийн ба эдийн засгийн үзүүлэлтүүдийг сайжруулах чиглэлээр авч хэрэгжүүлсэн арга хэмжээ үр дүнтэй эсэхийг 2021-2023 оныг хамруулан үзэхээр төлөвлөөд байна.
Тус аудитын үр дүн тайлан, дүгнэлтийг Улсын Их хурлын Төсвийн Байнгын хороо болон холбогдох байгууллагуудад хүргүүлэх юм.
