Үндэсний аудитын газраас Улсын Их Хурлын Төсвийн байнгын хорооны 2019 оны 04 дүгээр тогтоол, Монгол Улсын Ерөнхий аудиторын 2019 оны А/45 дугаар тушаалаар батлагдсан Үндэсний аудитын газрын гүйцэтгэх аудитын сэдвийн төлөвлөгөөг үндэслэн Төрийн аудитын тухай хуулийн 15 дугаар зүйлийн 15.1-д заасан бүрэн эрхийн хүрээнд “Төрөөс сургуулийн өмнөх боловсрол олгож байгаа өнөөгийн байдал, үр дүн”-д хийх гүйцэтгэлийн аудитын нээлт 2019 оны 09 дүгээр сарын 11-ний өдөр боллоо.
Аудитын нээлтэд Боловсрол, соёл, шинжлэх ухаан, спортын яам, Сангийн яам, Эрүүл мэндийн яам, Нийгмийн эрүүл мэндийн газар, Нийгмийн эрүүл мэндийн үндэсний төв, МУБИС-ын Сургуулийн өмнөх боловсролын сургууль, Барилгын хөгжлийн төв, Боловсролын хүрээлэн, Боловсролын үнэлгээний төв, улсын болон хувийн цэцэрлэгийн төлөөлөл, Хувийн хэвшлийн сургуулийн өмнөх боловсролын байгууллагуудын холбооны холбогдох албан тушаалтнууд болон Гүйцэтгэлийн аудитын газрын аудитын багийн гишүүд оролцлоо.
Аудитыг Монгол Улсын Ерөнхий аудиторын орлогч бөгөөд Тэргүүлэх аудитор С.Оюунбилэг нээж, аудитын зорилт, хамрах хүрээ, багийн бүрэлдэхүүн болон анхаарах асуудлын талаар мэдээлэл өгөв.
Аудитыг улсын хэмжээнд нэгдсэн удирдамжаар Үндэсний аудитын газар болон аймаг, нийслэл дэх Төрийн аудитын газрууд 2019 оны 09 дүгээр сарын 11-ний өдрөөс эхэлж гүйцэтгэн, аудитын тайланг 2019 оны 12 дугаар сарын 23-ны өдрийн дотор УИХ, холбогдох байгууллага, албан тушаалтанд хүргүүлэхээр төлөвлөжээ.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
