НЭГДСЭН УДИРДАМЖААР ГҮЙЦЭТГЭХ АУДИТЫН НЭЭЛТЭД ОРОЛЦЛОО.
Төрийн аудитын тухай хуулиар тодорхойлсон бүрэн эрхийн хүрээнд “Төрийн аудитын байгууллагын 2024 онд гүйцэтгэх аудитын сэдэв”, Монгол Улсын Ерөнхий аудиторын 2023 оны А/152 дугаар тушаалаар баталсан “Төрийн аудитын байгууллагын 2024 оны гүйцэтгэлийн төлөвлөгөө”-ний дагуу “Орон нутгийн хөгжлийн сангийн 2023 оны бүрдүүлэлт, зарцуулалт үр нөлөө” сэдэвт гүйцэтгэлийн аудитын нээлтийг цахимаар хийлээ.
Аудитын нээлтийн үйл ажиллагааг Үндэсний аудитын газрын Санхүү-нийцлийн аудитын газрын захирал, тэргүүлэх аудитор Ц.Наранчимэг эхлүүлж, тус аудитын төлөвлөгөө болон аудитын явцад анхаарах шаардлагатай асуудлуудыг танилцуулав.
Архангай аймаг дахь Төрийн Аудитын газрын дарга, Тэргүүлэх аудитор Т.Байгалмаа аудитыг нэгтгэн удирдахад анхаарах асуудлын талаар мэдээлэл хийлээ.
Төв аймаг, нийслэл дэх Төрийн аудитын газраас Тэргүүлэх аудит, аудитын менежер, ахлах аудитор, аудитор нар нээлтийн үйл ажиллагаанд цахимаар оролцлоо.
Аудитаар Орон нутгийн хөгжлийн сангийн хөрөнгийг хууль журмын дагуу төлөвлөж бүрдүүлсэн эсэх, төсөл арга хэмжээний үр дүн, үр нөлөө байдал, зарцуулалтыг хууль журмын дагуу хянаж, ил тод нээлттэй тайлагнасан эсэх зорилтын хүрээнд хэрэгжүүлэхээр төлөвлөөд байна.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
