Хөвсгөл аймаг дахь Төрийн аудитын газар нь нэгдсэн удирдамжаар гүйцэтгэж буй “Төрийн байгууллагын хүний нөөцийн бодлого, тогтолцооны үр нөлөө” гүйцэтгэлийн аудитын нээлтийг 2024 оны 09 дүгээр сарын 13-ний өдрийн 15:00 цагт аймгийн Иргэдийн Төлөөлөгчдийн Хурлын “Иргэний танхим”-д зохион байгууллаа. Аудитын нээлтэд Хөвсгөл аймаг дахь Төрийн аудитын газраас дарга, Тэргүүлэх аудитор А.Эрдэнэбаатар, Аудитын менежер Б.Тэгшдэлгэр, Аудитор Г.Ичинхорлоо, Б.Ариунтуяа нар оролцлоо.
- Төрийн байгууллагын хүний нөөцийн бодлого, хууль эрх зүйг хэрэгжүүлэх тогтолцоо бүрдсэн эсэх,
- Төрийн байгууллагын хүний нөөцийн тогтолцоо нь сайн засаглалыг бий болгож байгаа эсэхэд чиглэгдэх талаар болон бусад мэдээллийг аудитад хамрагдаж буй төрийн байгууллагуудад хүргүүлж санал солилцон ажиллалаа.
Аудитын нээлтэд Хөвсгөл аймгийн Төрийн албаны салбар зөвлөл, аймгийн Засаг даргын тамгын газар, Мөрөн сумын Засаг даргын тамгын газар, Эрүүл мэндийн газар, Боловсролын газруудаас төлөөлөл оролцон санал солилцон, хамтран ажиллах талаар нээлттэй ярилцлаа.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
