Хөвсгөл аймаг дахь Төрийн аудитын газар нь “Хатгал тосгоны газар зохион байгуулалт, газар олголтын байдал, үр нөлөө” гүйцэтгэлийн аудитын нээлтийг 2024 оны 09 дүгээр сарын 16-ны өдрийн 11:00 цагт Алаг-Эрдэнэ сумын Засаг даргын тамгын газарт зохион байгууллаа. Аудитын нээлтэд Хөвсгөл аймаг дахь Төрийн аудитын газраас аудитын менежер Б.Тэгшдэлгэр, ахлах аудитор Г.Ичинхорлоо, аудитор С.Гансүх, Н.Гүрбазар нар оролцлоо.
“Хатгал тосгоны газар зохион байгуулалт, газар олголтын байдал, үр нөлөө” сэдвээр гүйцэтгэлийн аудит хийж өмнөх аудитаар төрийн аудитын байгууллагаас өгсөн албан шаардлага, зөвлөмжийн хэрэгжилт бүрэн хангагдсан эсэхэд хяналт хийж үнэлгээ дүгнэлт гарган, зөвлөмж боловсруулж, дүнг холбогдох байгууллага, албан тушаалтанд танилцуулж, олон нийтэд мэдээлэхэд аудитын зорилт чиглэгдэнэ. Аудитын дараах зорилтуудын хүрээнд гүйцэтгэнэ.
- Тухайн жилийн газар зохион байгуулалтын төлөвлөгөөг үр нөлөөтэй байхаар тооцон төлөвлөж баталсан эсэх.
- Иргэн, аж ахуй нэгжид ашиглуулж эзэмшүүлэхээр олгосон газар нь үр нөлөөтэй, үр ашигтай эсэх.
- Өмнөх аудитаар өгсөн зөвлөмж, албан шаардлагыг бүрэн хэрэгжүүлж зөрчлийг арилгасан эсэх.
Аудитын нээлтэд аймгийн Газрын харилцаа барилга хот байгуулалтын газар, Алаг-Эрдэнэ сумын Засаг дарга, газрын төлөөлөл оролцон санал солилцлоо.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
