Төрийн аудитын тухай хуулийн 6 дугаар зүйлийн 6.3.1-д заасан бүрэн эрхийн хүрээнд Монгол Улсын Их хурлын Байнгын хорооны 2023 оны 08 дугаар тогтоол, Монгол Улсын Ерөнхий аудиторын “Төрийн аудитын байгууллагын 2024 оны гүйцэтгэлийн төлөвлөгөө батлах тухай” А/152, “Аудитын жилийн төлөвлөгөө батлах тухай” 2023 оны А/162, “Аудитын сэдэв батлах тухай” 2023 оны А/100 дугаар тушаалыг тус тус үндэслэн Говьсүмбэр аймаг дахь Төрийн аудитын газрын 2024 оны гүйцэтгэлийн төлөвлөгөөний дагуу “Хүүхэд хамгааллын талаар төрөөс баримталж буй бодлого, түүний хэрэгжилт, үр дүн” сэдэвт гүйцэтгэлийн аудитын нээлтийг 2024 оны 09 дүгээр сарын 12-ны өдөр зохион байгуулж, аудитын төлөвлөгөө, хөтөлбөр, аудитаар анхаарах асуудлуудыг танилцууллаа.
Аудитын нээлтэд Говьсүмбэр аймаг дахь Төрийн аудитын газрын дарга, Тэргүүлэх аудитор Б.Сарантуяа, тус газрын аудитын баг болон аймгийн Хүүхэд, гэр бүл, хөгжил хамгааллын газар, Эрүүл мэндийн газар, Боловсролын газар, аймгийн Цагдаагийн газар, Онцгой байдлын газрын холбогдох 8 албан хаагч оролцлоо.
Дээрх аудиттай холбоотой санал хүсэлтийг Govisumber@audit.gov.mn цахим хаяг болон 7054-3156 утсаар хүлээн авч байна.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
